Dramatískir sigrar hjá Selfossi og FH

Selfoss og FH unnu sína leiki í kvöld með nákvæmlega sömu markatölu, 29-28.

Selfoss lagði Gróttu þar sem Grótta hefði getað jafnað í lokin en vítakast Finns Inga Stefánssonar fór í þverslána.

Finnur Ingi skoraði annars tólf mörk í leiknum. Einar Sverrisson var markahæstur hjá Selfossi með átta mörk.

Það var líka mikil spenna í leik FH og Fram þar sem Gísli Þorgeir Kristjánsson skoraði síðasta mark leiksins fyrir FH.

Hann var líka markahæstur þeirra með sjö mörk í kvöld. Þorgeir Davíðsson skoraði sex fyrir Fram.