Top Gear þríeykið samt við sig – löng stikla

Nú þegar rúmur mánuður er í sýningu fyrsta þáttar af “The Grand Tour”, hins nýja bílaþáttar gamla þríeykisins úr Top Gear, er við hæfi að sjá eitt atriði úr þáttunum og það ekki af styttri gerðinni. Hér má sjá, í 8 mínútu langri stiklu, þar sem James Corden úr The Late Late Show fer með þá Clarksons, Hammond og May á keppnsibraut í Willow Springs í Bandaríkjunum á Chevrolet Corvette bíl.

Þar spyr hann þá félaga endalausra spurninga um leið og þeir aka hver í kapp við annan og bætist ein sekúnda við tíma þeirra við hvert rangt svar. Úr verður hin mesta skemmtan, en það er eins og fyrri daginn helst vegna þess að þeir þremenningar eru fremur snjallir til svara. Engin ástæða er til að uppljóstra um hver fór með sigur úr bítum í keppninni, en þessi stikla lofar góðu fyrir nýju þættina sem sýndir verða á Amazon Prime.