Formúla 1

Jenson Button tekur frí frá Formúlu 1

Kristinn Ásgeir Gylfason skrifar
Jenson Button.
Jenson Button. vísir/getty
Jenson Button, ökumaður McLaren liðsins hefur staðfest að hann muni ekki aka í Formúlu 1 á næsta ári. Nýliðinn Stoffel Vandoorne mun aka við hlið Fernando Alonso á næsta ári.

Button mun taka að sér framsækið starf þróunarökumanns. Eins mun hann halda áfram að koma fram á auglýsingabiðburðum á næsta ári.

Gæti komið aftur

Að sögn Ron Dennis, framkvæmdastjóra McLaren gæti Button keppt aftur fyrir McLaren. Það veltur á því hvort Alonso ákveði að hætta eftir 2017 eða ekki.

Heimsmeistarinn frá 2009 gæti því snúið aftur til keppni eftir næsta ár.

Þangað til hefur Button sagt að hann muni hugsanlega setja saman sitt eigið Rallý-Cross lið. Hann verður þó áfram mikilvægur hlekkur í liði McLaren.

Button hóf keppni í Formúlu 1 árið 2000 með Williams. Hann mun hefja sína 298. keppni í Formúlu 1 á eftir. Button varð heimsmeistari með Brawn liðinu árið 2009.

Hér að neðan er yfirlit yfir feril Jenson Button í Formúlu 1. 

Formúla

Tengdar fréttir

Rosberg: Lewis var bara fljótari í dag

Lewis Hamilton náði sínum fimmta ráspól á Ítalíu sem er jöfnun á meti Ayrton Senna og Juan Manuel Fangio. Ráspóllinn er jafnframt 56. ráspóll Hamilton á ferlinum. Hver sagði hvað eftir tímatökuna?

Mercedes fljótastir á æfingum á Ítalíu

Mercedes menn voru fljótastir á báðum æfingum dagsins fyrir ítalska kappaksturinn sem fram fer um helgina. Nico Rosberg var fljótastur á fyrri æfingunni og Lewis Hamilton þeirri seinni.

Felipe Massa hættir í Formúlu 1

Williams ökumaðurinn Felipe Massa hefur tilkynnt að hann muni hætta í Formúlu 1 þegar núverandi tímabili lýkur.

Lewis Hamilton á ráspól á Ítalíu

Lewis Hamilton á Mercedes náði ráspól fyrir ítalska kappakstrinn sem fer fram á morgun. Þetta var fimmti ráspóll Hamilton á Ítalíu. Nico Roserg var annar á Mercedes og Sebastian Vettel á Ferrari þriðji.

Mest lesið


Fleiri fréttir

Sjá meira


×

Mest lesið