Hópurinn sem mætir Slóvenum og Skotum | Dóra María kemur aftur inn

Freyr Alexandersson, þjálfari íslenska kvennalandsliðsins í fótbolta, hefur valið íslenska hópinn fyrir leikina gegn Slóveníu og Skotlandi í undankeppni EM 2017.

Freyr gerir tvær breytingar á hópnum frá leikjunum gegn Skotlandi og Makedóníu í byrjun júní.

Harpa Þorsteinsdóttir og Andrea Rán Snæfeld Hauksdóttir detta út og í þeirra stað koma Rakel Hönnudóttir og Dóra María Lárusdóttir.

Sú síðarnefnda kemur inn eftir nokkurt hlé en hún lék síðast með íslenska landsliðinu fyrir tveimur árum. Dóra María, sem hefur leikið 108 landsleiki, tók sér frí frá fótbolta í fyrra en er mætt aftur í slaginn og hefur spilað alla leiki Vals í Pepsi-deildinni í sumar.

Báðir leikirnir fara fram á Laugardalsvelli. Ísland mætir Slóveníu 16. september og Skotlandi fjórum dögum síðar.

Ísland er með fullt hús stiga á toppi A-riðils og með markatöluna 29-0 og er nánast öruggt með sæti í lokakeppninni í Hollandi á næsta ári.

Hópurinn sem mætir Slóveníu og Skotlandi:

Markverðir:

Guðbjörg Gunnarsdóttir, Djurgården

Sandra Sigurðardóttir, Val

Sonný Lára Þráinsdóttir, Breiðabliki

Varnarmenn:

Anna Björk Kristjánsdóttir, Örebro

Glódís Perla Viggósdóttir, Eskilstuna

Hallbera G. Gísladóttir, Breiðabliki

Elísa Viðarsdóttir, Val

Sif Atladóttir, Kristianstad

Málfríður Erna Sigurðardóttir, Breiðabliki

Miðjumenn:

Fanndís Friðriksdóttir, Breiðabliki

Rakel Hönnudóttir, Breiðabliki

Sara Björk Gunnarsdóttir, FC Rosengård

Dóra María Lárusdóttir, Val

Sandra María Jessen, Þór/KA

Dagný Brynjarsdóttir, Portland Thorns

Gunnhildur Yrsa Jónsdóttir, Stabæk

Elín Metta Jensen, Val

Sóknarmenn:

Margrét Lára Viðarsdóttir, Val

Hólmfríður Magnúsdóttir, Avaldsnes

Berglind Björg Þorvaldsdóttir, Breiðabliki