Lögreglan vill ræða við forseta alþjóða ólympíunefndarinnar

Forseti alþjóða ólympíunefndarinnar, Thomas Bach, ætlar ekki að mæta á Ólympímót fatlaðra en hann gæti þurft að fara því lögreglan í Brasilíu vill ræða við hann.

Ástæðan er mál Patrick Hickey, forseta evrópsku ólympíunefndarinnar, sem var handtekinn fyrir miðabrask á Ólympíuleikunum í síðasta mánuði.

Bach er ekki grunaður í málinu heldur þarf lögreglan að ræða við hann sem vitni.

Lögreglan hefur komist yfir tölvupóstsamskipti á milli Bach og Hickey. Þar þarf eitthvað skýra frekar fyrir yfirvöldum.

Hickey hafði til að mynda beðið um hundruð miða á setningarathöfnina, úrslitin í 100 metra hlaupinu og úrslitaleikinn í knattspyrnu. Hann ætlaði svo að græða á því að selja þessa miða en hann fékk 296 stykki.

Hickey er laus úr fangelsi, í bili, en þarf að vera í Brasilíu á meðan mál hans er tekið fyrir.