Heimsfrægur sundkappi rændur af hóp vopnaðra manna í Ríó

Sundkappinn Ryan Lochte lenti í heldur óheppilegri lífsreynslu þegar hann var tekinn í gíslingu af vopnuðum manni í samkvæmi sem Thiago Pereira, sundmaður frá Brasilíu, hélt í heimalandi sínu. Stöðvaði vopnaður maður leigubílinn sem Lochte var í og hótaði honum.

Alþjóða Ólympíunefndin hafnar þessum fréttum en móðir Lochte sem er í Brasilíu til að fylgjast með syni sínum staðfesti þetta í samtali við USA Today í morgun.

Lochte sem er næst sigursælasti sundkappinn í sögu Ólympíuleikanna með tólf medalíur vann ein gullverðlaun á Ólympíuleikunum í Ríó í 4x 200 boðsundi en hans síðasta sund á leikunum var í gær og mætti hann í veislu til Pereira seinna um kvöldið.

Þegar leigubíllinn sem skutlaði Lochte heim seinna um kvöldið stöðvaði til að taka bensín mætti hópur fólks vopnað hnífum og byssum en þeir tóku veskið af Lochte og leyfðu honum síðan að fara.