Stiklum flæddi fram á Comic-Con

Ráðstefnunni Comic-Con lýkur í San Diego í dag. Kvikmyndir og sjónvarpsþættir verða sífellt stærri hluti af ráðstefnunni sem lengi hefur verið hægt að lýsa sem helstu hátíð nörda í heiminum. 

Hér að neðan hafa verið teknar saman helstu stiklur Comic-Con.

Stiklur fyrir myndir um ofurhetjur voru mjög fyrirferðarmiklar á Comic-Con þetta árið. Hvort sem þær voru frá Marvel eða DC Comics.

Netflix sýndi nokkrar stiklur fyrir ofurhetjuþætti sína. Þeir byrjuðu á svokölluðum teaser fyrir The Defenders. Þar taka Daredevil, Jessica Jones, Luke Cage og Iron Fist höndum saman til þess að koma New York til bjargar.

Líklegt þykir að Punisher muni einnig stinga upp kollinum.

Þá voru einnig sýndar stiklur eða teaserar fyrir Iron Fist, Luke Cage og þriðju þáttaröð Daredevil.

Next stop: Hell's Kitchen. Daredevil Season 3 is coming

soon. #Daredevilhttps://t.co/tkWwJNBLJy

— Daredevil (@Daredevil) July 22, 2016

Marvel sýndi einnig stiklu fyrir þættina Legion sem eru í vinnslu með FX. Þá var einnig sýndar stiklur fyrir þriðju þáttaröð Flash. aðra þáttaröð Legends of Tomorrow og fimmtu þáttaröð Arrow.

Stikla fyrir myndina Fantastic Beasts and Where to Fint Them, úr söguheimi Harry Potter var sýnd á ráðstefnunni. Þá voru sýndar stiklur fyrir fjöldan allan af kvikmyndum.

Sjónvarpsþættir sem fjalla ekki um ofurhetjur fengu einnig mikið pláss á Comic-Con.