Johnson vann sitt fyrsta risamót

Bandaríkjamaðurinn Dustin Johnson vann US Open í gær eftir afar áhugaverðan lokahring. Þetta var fyrsta risamótið sem hann vinnur.

Johnson varð þremur höggum á undan næstu mönnum og spilaði síðustu sjö holurnar með það á bakinu að hann gæti fengið víti eftir að hann myndi ljúka keppni.

Hann fékk víti eftir hringinn fyrir að koma kúlunni sinni í hreyfingu án snertingar á 5. holu. Að ekki skildi verða tekið strax á málinu var harðlega gagnrýnt. Meðal annars af Jordan Spieth og Rory McIlroy á samfélagsmiðlum.

Johnson ákvað að láta þetta ekki á sig fá. Spilaði lokaholurnar eins og kóngur og sá til þess að vítið hefði engin áhrif.

„Ég reyndi að láta þetta trufla mig. Hverjum er ekki sama núna. Þetta skipti ekki máli,“ sagði Johnson kátur eftir hringinn en hann varð að sætta sig við annað sætið á þessu móti í fyrra.

Johnson mun færast upp á þriðja sætið á heimslistanum eftir þessa glæsilegu frammistöðu.