Gísli og Aron Snær spila til úrslita | Ný nöfn á báða bikara

Ný nöfn verða rituð á verðlaunagripina í KPMG-bikarana sem er keppt um á Íslandsmótinu í holukeppni.

Það var mikið um að vera á Hólmsvelli í Leiru í dag þar sem leiknar voru tvær umferðir í KPMG-bikarnum, Íslandsmótinu í holukeppni 2016 á Eimskipsmótaröðinni í karla og kvennaflokki.

Í karlaflokki mætast Gísli Sveinbergsson úr Keili Hafnarfirði  og Aron Snær Júlíusson úr GKG í úrslitaleiknum.  Í kvennaflokki eigast við GR-ingarnir Ragnhildur Kristinsdóttir og Berglind Björnsdóttir.

Úrslitaleikirnir fara fram þriðjudaginn 21.  júní og hefjast þeir kl. 9.50 og 10.00 á Hólmsvelli í Leiru.

Um bronsverðlaunin leika Theodór Emil Karlsson úr GM og Andri Már Óskarsson úr GHR. Í kvennaflokki eigast við Ingunn Einarsdóttir úr GKG og Signý Arnórsdóttir úr GK - en hún hefur tvívegis fagnaði sigri í þessari keppni.

Leikirnir um þriðja sætið hefjast 9.30 og 9.40.

Úrslit í 8-manna úrslitum karla urðu eftirfarandi:

Gísli Sveinbergsson, GK - Magnús Lárusson, GJÓ - 5/4.

Andri Már Óskarsson, GHR - Ólafur Björn Loftsson, GKG - Andri sigraði á 19. holu.

Theodór Emil Karlsson, GM - Arnór Snær Guðmundsson, GHD - 3/1.

Aron Snær Júlíusson, GKG - Rúnar Arnórsson, GK -2/1.

Úrslit í 8-manna úrslitum kvenna urðu eftirfarandi:

Ingunn Einarsdóttir, GKG - Þórdís Geirsdóttir, GK - 5/4.

Berglind Björnsdóttir, GR - Hafdís Alda Jóhannsdóttir, GK - 3/2.

Signý Arnórsdóttir, GK - Særós Eva Óskarsdóttir, GKG -3/1.

Ragnhildur Kristinsdóttir, GR - Jódís Bóasdóttir, GK -3/2.

Úrslit í undanúrslitum kvenna:

Berglind Björnsdóttir, GR - Ingunn Einarsdóttir, GKG - 3/2.

Ragnhildur Kristinsdóttir, GR - Signý Arnórsdóttir, GK - 4/3.

Úrslit í undanúrslitum karla:

Gísli Sveinbergsson, GK - Andri Már Óskarsson, GHR - 4/3.

Aron Snær Júlíusson, GKG - Theodór Emil Karlsson, GM. - 4/2.