María Grazia er fyrsta konan til að stýra tískurisanum Dior

Maria Grazia Chiuri, einn helmingurinn af hönnunarteymi Valentino, hefur verið ráðin nýr yfirhönnuður tískurisans Dior. Þetta er í fyrsta skiptið í 70 ára sögu fyrirtækisins sem að kona gegnir því hlutverki.

Þegar Raf Simons yfirgaf Dior á síðasta ári ríkti mikil óvissa um hver mundi taka við af honum. Nú þegar þónokkrir mánuðir hafa liðið hefur loksins nýr yfirhönnuður verið tilkynntur.

Það virðist vera erfitt fyrir stóru evrópsku tískuhúsin að halda í yfirhönnuðina sína í meira en þrjú ár en myndast hefur sú hefð í tískuheiminum að yfirhönnuðirnir yfirgefi stöður sínar eftir þann tíma.



Talið er að þetta muni hafa mikil áhrif á Valentino tískuhúsið en hún hefur starfað þar frá 2007 ásamt Pierpaolo Piccioli. Þau voru bæði valin af Valentino sjálfum þegar hann ákvað að hætta sem yfirhönnuður síns eigin vörumerkis.