Ólafur Gústafsson í Stjörnuna

Ólafur Gústafsson hefur skrifað undir samning við Stjörnuna, en mbl.is greinir frá þessu á vef sínum nú í kvöld.

Ólafur hefur undanfarin ár leikið með Álaborg í Danmörku, en hann hefur glímt við mikil meiðsli. Hann hefur einnig leikið með Flensburg.

Hann er uppalinn í FH og var samkvæmt heimildum Vísis einnig í viðræðum við FH, en hefur að endingu ákveðið að semja við nýliðana í Stjörnunni.

Stjarnan verður nýliði í Olís-deild karla á næstu leiktíð, en þeir hafa verið duglegur við að styrkja sig því Garðar B. Sigurjónsson, Stefán Darri Þórsson og Sveinbjörn Pétursson eru komnir í Stjörnuna.