Cristiano Ronaldo fékk kærkomið frí eftir langt tímabil með Real Madrid í vor og ákvað Fernando Santos, landsliðsþjálfari Portúgals, að gefa honum vikufrí frá undirbúningi Portúgals fyrir EM í Frakklandi.
Ronaldo var að glíma við meiðsli undir lok síðasta tímabils og var Lars Lagerbäck spurður á blaðamannafundi íslenska liðsins í dag hvort að hann teldi að Ronaldo væri í sínu besta formi.
„Ég get litlu svarað um það en ég sá hann spila í 45 mínútur gegn Eistlandi og þá leit hann vel út. Það var gott hjá þjálfaranum að gefa honum vikufrí enda eru leikmenn í dag að spila allt of marga leiki,“ sagði Lagerbäck.
„Ég skil vel að hann hafi verið þreyttur. Hjá okkur vorum við með þrettán leikmenn að spila í síðustu viku maí. Ég tel að allir leikmenn ættu að fá vikufrí áður en þeir fara inn í undirbúning með landsliðum sínum fyrir stórmót.“
Hann segir að það sé nóg fyrir líkamann að fá vikufrí til að jafna sig en andleg þreyta sé persónubundin.
„Ég held að Ronaldo verði upp á sitt besta. Bara ekki gegn Íslandi,“ sagði Lagerbäck.
„Ronaldo verður upp á sitt besta á EM - bara ekki gegn Íslandi“
Tengdar fréttir
Lars: Ég gerði mistök fyrir leikinn í Zagreb
"Með svo stuttan tíma gáfum við röngum hlutum forgang,“ sagði Lars.
EM dagbók: Spræt er ekki sprít og fjörutíu er ekki fjórtán
Tómas Þór Þórðarson fylgir karlalandsliði Íslands hvert fótmál á Evrópumótinu í Frakklandi og deilir upplifun sinni með lesendum.
Svona var blaðamannafundur strákanna okkar í dag | Myndband
Vísir var með beina textalýsingu frá blaðamannafundi íslenska landsliðsins á Evrópumótinu í fótbolta.
EM í dag: Hótelhittingur og bullurnar í Marseille
Fréttamenn 365
Lars: Eigum góða möguleika á að komast upp úr riðlinum
"Við ættum að geta höndlað tap í leik gegn Portúgal,“ segir sá sænski.
Lars vill breyta reglunum til að refsa fyrir leikaraskap
Nöfn Pepe og Ronaldo bar á góma á blaðamannafundi í Annecy í morgun.
Alfreð: Höfum talað um U-21 mótið í Danmörku
Margir úr íslenska landsliðinu muna vel eftir fyrsta leiknum á EM U-21 mótinu í Danmörku.
