Loksins líf í Hraunsfirði

Hraunsfjörður er afskaplega skemmtilegt veiðisvæði enda gengur mikið af bleikju þangað inn og hún getur á tíðum verið mjög væn.

Það gleður þess vegna veiðimenn að fá fréttir þaðan en nú þegar hafa nokkrir skroppið vestur og sett í nokkrar bleikjur.  Bleikjan sem finnst í vatninu núna er vel haldin og virðist hafa haft gott æti í vetur.  Þó svo að besti tíminn í Hraunsfirði sé að öllu jöfnu frá byrjun júlí er oft mikið af bleikju í vatninu og það bætist svo bara við þá torfu þegar sjóbleikjan gengur inn.  Bestum árangri ná veiðimenn á flugur sem líkjast marfló og er veidd frekar djúpt í litlum stuttum rykkjum sem er einmitt hreyfing marflóa.  Bleikleitar eða rauðleitar flugur gefa vel sem og Heimasætan í púpuafbrigði en annars eru margar flugur sem ganga.  það er þó lykilatriði, í það minnsta fyrst á tímabilinu, að flugan veiði á nokkru dýpi.

Það er mikið af góðum veiðivötnum á vesturlandi og ásamt Hraunsfirði er Hraunsfjarðarvatn, Langavatn, Hítarvatn og Baulárvatn sem eru innan Veiðikortsins eru mörg veiðisvæði þessu til viðbótar og núna þegar sumarið er aðeins farið að gægjast inn á veiðin í öllum þessum vötnum eftir að taka mikið við sér.