Að mæta Bakkusi í búð Jón Sigurður Eyjólfsson skrifar 2. febrúar 2016 07:00 Manstu hvað við höfðum miklar áhyggjur af því að verða hornreaka í hruninu? Reyndin varð síðan sú að okkar biðu meiri vinsældir en við höfðum áður þekkt. Hvernig stóð á því? Jú, mannfólkið dýrkar harmleiki og þarna buðum við heimsbyggðinni uppá einn slíkan af bestu gerð. Við mannfólkið erum nefnilega ekki svo ólík Bakkusi hvað þetta varðar. Hann fleytir jafnvel mestu skussum meðfram himinskautum bara til að sjá þá svo þunna, lágreista og eymdarlega næsta dag. Hann er upprisan og þynnka. Við höfum sama háttinn á. Við tendrum uppí stjörnum og bíðum svo í von um að sjá þær springa, krýnum kónga í von um að geta krossfest þá einn daginn og dagsdaglega skemmtum við okkur við það að breyta hetjum í skúrka. Við reistum Kim Kardashian til himna svo við getum síðan hneykslast á því hvað hún væri orðin asskoti mikil um botninn. Ef við viljum mikið fjör köllum við hana dræsu. Og þegar Vigdís Hauksdóttir opnar munninn, þá er nú aldeilis hægt að sópa svekkelsi lífsins fram af tungunni. Nú, svo er ekki ónýtt þegar hægt er að reka naglana í frelsara einsog Andra Snæ, við héldum að tækifærið ætlaði aldrei að gefast. Og ekki leiðist okkur nú að taka útrásarvíkingana af himnafestingunum og jarða þá. Harmleikir á við þessa hafa skemmt mannskepnunni frá örófi alda og heimsbyggðin sýnir engin merki þess að vaxa uppúr leiknum. Heimsbyggðin hefur til dæmis aldrei verið jafn hamingjusöm og sumarið 1998 þegar Clinton skemmti okkur með brestum sínum. Það er því mikilvægt fyrir þingmenn, sem mikið ræða um Bakkus og búðir þessa dagana, að muna eftir því að byrja á réttum enda. Málið snýst ekki um það hvort mönnum sé óhætt að mæta Bakkusi í matvöruverslunum heldur hitt: er það á Bakkus leggjandi að mæta okkur bæði í Hagkaupum og Bónus? Viltu birta grein á Vísi? Sendu okkur póst. Senda grein Jón Sigurður Eyjólfsson Mest lesið Ísrael á ekki heima á gleðileikum evrópskra sjónvarpsstöðva sem starfa í almannaþágu Stefán Jón Hafstein Skoðun Íslenskir flóttamenn - í okkar eigin landi Gunnar Magnús Diego Skoðun Mótum framtíðina saman Jónína Hauksdóttir ,Magnús Þór Jónsson Skoðun Samræmd nálgun að öryggi og skilvirkni á ytri landamærum - Innleiðing EES á Íslandi Arngrímur Guðmundsson Skoðun Er Evrópa á villigötum? Efnahagsleg hnignun kallar á róttæka endurskoðun Eggert Sigurbergsson Skoðun Magga Stína! Helga Völundardóttir Skoðun 7 milljarða húsnæðisstuðningur afnuminn… en hvað kemur í staðinn? Vilhjálmur Hilmarsson Skoðun Halldór 4.10.2025 Halldór Transumræðan og ruglið um fjölda kynja Einar Steingrímsson Skoðun Leikskóli þarf meira en þak og veggi. Kópavogsmódelið og Akureyrarleiðin sem leið að aukinni velferð barna Anna Elísa Hreiðarsdóttir,Svava Björg Mörk Skoðun
Manstu hvað við höfðum miklar áhyggjur af því að verða hornreaka í hruninu? Reyndin varð síðan sú að okkar biðu meiri vinsældir en við höfðum áður þekkt. Hvernig stóð á því? Jú, mannfólkið dýrkar harmleiki og þarna buðum við heimsbyggðinni uppá einn slíkan af bestu gerð. Við mannfólkið erum nefnilega ekki svo ólík Bakkusi hvað þetta varðar. Hann fleytir jafnvel mestu skussum meðfram himinskautum bara til að sjá þá svo þunna, lágreista og eymdarlega næsta dag. Hann er upprisan og þynnka. Við höfum sama háttinn á. Við tendrum uppí stjörnum og bíðum svo í von um að sjá þær springa, krýnum kónga í von um að geta krossfest þá einn daginn og dagsdaglega skemmtum við okkur við það að breyta hetjum í skúrka. Við reistum Kim Kardashian til himna svo við getum síðan hneykslast á því hvað hún væri orðin asskoti mikil um botninn. Ef við viljum mikið fjör köllum við hana dræsu. Og þegar Vigdís Hauksdóttir opnar munninn, þá er nú aldeilis hægt að sópa svekkelsi lífsins fram af tungunni. Nú, svo er ekki ónýtt þegar hægt er að reka naglana í frelsara einsog Andra Snæ, við héldum að tækifærið ætlaði aldrei að gefast. Og ekki leiðist okkur nú að taka útrásarvíkingana af himnafestingunum og jarða þá. Harmleikir á við þessa hafa skemmt mannskepnunni frá örófi alda og heimsbyggðin sýnir engin merki þess að vaxa uppúr leiknum. Heimsbyggðin hefur til dæmis aldrei verið jafn hamingjusöm og sumarið 1998 þegar Clinton skemmti okkur með brestum sínum. Það er því mikilvægt fyrir þingmenn, sem mikið ræða um Bakkus og búðir þessa dagana, að muna eftir því að byrja á réttum enda. Málið snýst ekki um það hvort mönnum sé óhætt að mæta Bakkusi í matvöruverslunum heldur hitt: er það á Bakkus leggjandi að mæta okkur bæði í Hagkaupum og Bónus?
Ísrael á ekki heima á gleðileikum evrópskra sjónvarpsstöðva sem starfa í almannaþágu Stefán Jón Hafstein Skoðun
Samræmd nálgun að öryggi og skilvirkni á ytri landamærum - Innleiðing EES á Íslandi Arngrímur Guðmundsson Skoðun
Er Evrópa á villigötum? Efnahagsleg hnignun kallar á róttæka endurskoðun Eggert Sigurbergsson Skoðun
Leikskóli þarf meira en þak og veggi. Kópavogsmódelið og Akureyrarleiðin sem leið að aukinni velferð barna Anna Elísa Hreiðarsdóttir,Svava Björg Mörk Skoðun
Ísrael á ekki heima á gleðileikum evrópskra sjónvarpsstöðva sem starfa í almannaþágu Stefán Jón Hafstein Skoðun
Samræmd nálgun að öryggi og skilvirkni á ytri landamærum - Innleiðing EES á Íslandi Arngrímur Guðmundsson Skoðun
Er Evrópa á villigötum? Efnahagsleg hnignun kallar á róttæka endurskoðun Eggert Sigurbergsson Skoðun
Leikskóli þarf meira en þak og veggi. Kópavogsmódelið og Akureyrarleiðin sem leið að aukinni velferð barna Anna Elísa Hreiðarsdóttir,Svava Björg Mörk Skoðun