Finna allt mögulegt nema flakið af flugvél MH370

Slys Skip sem sinna leit að flugi MH370 í Indlandshafi hafa rambað á allt á milli himins og jarðar á leit sinni að týndu flugvélinni sem hvarf sporlaust árið 2014.

Ómannaður kafbátur tók mynd af fyrirbæri á hafsbotni sem sérfræðingar telja að sé skipsflak frá 19. öld.

Þetta er í annað sinn sem könnunarsveitir hafa fundið gamalt skipsflak í leit sinni að MH370.

Þá hafa leitarsveitir einnig rambað á þó nokkur neðansjávareldfjöll sem aldrei hafa verið kortlögð.

Leitin að MH370 er talin vera ein sú umfangsmesta frá upphafi. – srs