Ég, Bubbi og Hrafn Gunnlaugsson Ragnheiður Tryggvadóttir skrifar 25. mars 2015 07:00 Nei, hættu nú alveg, hefur líf mitt byggst á tómri lygi? Í bráðum fjóra áratugi hef ég gengið út frá því að ég hafi fæðst undir merki Tvíburans, eins og Bubbi Morthens og Hrafn Gunnlaugsson. Mínir helstu kostir hafa því samkvæmt því átt að vera fjölhæfni, greind og leiftrandi hugsun. Ég á að vera hrifin af nýjungum og á að geta gert marga hluti í einu. Ég á að vera forvitin og alltaf á ferð og flugi. Út frá þessu hef ég gengið þar til í gær. Þá kom það víst á daginn að 86 prósent fólks telja sig vera í öðru stjörnumerki en það raunverulega er og þar á meðal ég. Staða stjarnanna gagnvart jörðinni hefur víst breyst í aldanna rás, auk þess sem stjörnumerkin eru ekki tólf heldur þrettán. Það er eitthvert stjörnumerki til sem heitir Naðurvaldi, já, Naðurvaldi. Naðurvaldi er þó ekki mitt rétta stjörnumerki, samkvæmt nýjustu tölum, heldur Naut. Nautið er ekkert hrifið af nýjungum, nautin eru víst íhaldssöm, stöðuglynd og þrjósk og lengi að taka ákvarðanir. Þau eru líka skapbráð, langrækin, afbrýðisöm og ógerlegt að fá þau til að skipta um skoðun ef þau hafa einu sinni bitið eitthvað í sig. Frábært. Ég er leiðindadurgur. Ekki það að Tvíburinn sé eingöngu hlaðinn kostum, ég get alveg viðurkennt það. Reyndar er hann sagður óáreiðanlegur og fljótur að gleyma loforðum. Í ofanálag er hann síblaðrandi og yfirborðskenndur og gerir nánast allt til þess að forðast lognmollu og leiðindi. Nautiðer orðheldið. Það er ekki líklegt til að gleyma loforðum sem það gefur þar sem Naut eiga að hafa gott minni og enn frekar eru þau trygglynd og þolinmóð. Naut eru sögð kunna að njóta lystisemda eins og matar og hafa næmt auga fyrir fegurð og listum. Nújæja, kannski á ég eftir að taka Nautið mig í sátt. Þetta þýðir þó að ég er ekki lengur í sama merki og Bubbi Morthens og Hrafn Gunnlaugsson. Viltu birta grein á Vísi? Sendu okkur póst. Senda grein Ragnheiður Tryggvadóttir Mest lesið Ísrael á ekki heima á gleðileikum evrópskra sjónvarpsstöðva sem starfa í almannaþágu Stefán Jón Hafstein Skoðun Mótum framtíðina saman Jónína Hauksdóttir ,Magnús Þór Jónsson Skoðun Íslenskir flóttamenn - í okkar eigin landi Gunnar Magnús Diego Skoðun Samræmd nálgun að öryggi og skilvirkni á ytri landamærum - Innleiðing EES á Íslandi Arngrímur Guðmundsson Skoðun Eru vegir fyrir ferðamenn mikilvægari en vegir fyrir fólk sem býr hér? Petrína Þórunn Jónsdóttir Skoðun Er Evrópa á villigötum? Efnahagsleg hnignun kallar á róttæka endurskoðun Eggert Sigurbergsson Skoðun Magga Stína! Helga Völundardóttir Skoðun Transumræðan og ruglið um fjölda kynja Einar Steingrímsson Skoðun Halldór 4.10.2025 Halldór 7 milljarða húsnæðisstuðningur afnuminn… en hvað kemur í staðinn? Vilhjálmur Hilmarsson Skoðun
Nei, hættu nú alveg, hefur líf mitt byggst á tómri lygi? Í bráðum fjóra áratugi hef ég gengið út frá því að ég hafi fæðst undir merki Tvíburans, eins og Bubbi Morthens og Hrafn Gunnlaugsson. Mínir helstu kostir hafa því samkvæmt því átt að vera fjölhæfni, greind og leiftrandi hugsun. Ég á að vera hrifin af nýjungum og á að geta gert marga hluti í einu. Ég á að vera forvitin og alltaf á ferð og flugi. Út frá þessu hef ég gengið þar til í gær. Þá kom það víst á daginn að 86 prósent fólks telja sig vera í öðru stjörnumerki en það raunverulega er og þar á meðal ég. Staða stjarnanna gagnvart jörðinni hefur víst breyst í aldanna rás, auk þess sem stjörnumerkin eru ekki tólf heldur þrettán. Það er eitthvert stjörnumerki til sem heitir Naðurvaldi, já, Naðurvaldi. Naðurvaldi er þó ekki mitt rétta stjörnumerki, samkvæmt nýjustu tölum, heldur Naut. Nautið er ekkert hrifið af nýjungum, nautin eru víst íhaldssöm, stöðuglynd og þrjósk og lengi að taka ákvarðanir. Þau eru líka skapbráð, langrækin, afbrýðisöm og ógerlegt að fá þau til að skipta um skoðun ef þau hafa einu sinni bitið eitthvað í sig. Frábært. Ég er leiðindadurgur. Ekki það að Tvíburinn sé eingöngu hlaðinn kostum, ég get alveg viðurkennt það. Reyndar er hann sagður óáreiðanlegur og fljótur að gleyma loforðum. Í ofanálag er hann síblaðrandi og yfirborðskenndur og gerir nánast allt til þess að forðast lognmollu og leiðindi. Nautiðer orðheldið. Það er ekki líklegt til að gleyma loforðum sem það gefur þar sem Naut eiga að hafa gott minni og enn frekar eru þau trygglynd og þolinmóð. Naut eru sögð kunna að njóta lystisemda eins og matar og hafa næmt auga fyrir fegurð og listum. Nújæja, kannski á ég eftir að taka Nautið mig í sátt. Þetta þýðir þó að ég er ekki lengur í sama merki og Bubbi Morthens og Hrafn Gunnlaugsson.
Ísrael á ekki heima á gleðileikum evrópskra sjónvarpsstöðva sem starfa í almannaþágu Stefán Jón Hafstein Skoðun
Samræmd nálgun að öryggi og skilvirkni á ytri landamærum - Innleiðing EES á Íslandi Arngrímur Guðmundsson Skoðun
Eru vegir fyrir ferðamenn mikilvægari en vegir fyrir fólk sem býr hér? Petrína Þórunn Jónsdóttir Skoðun
Er Evrópa á villigötum? Efnahagsleg hnignun kallar á róttæka endurskoðun Eggert Sigurbergsson Skoðun
Ísrael á ekki heima á gleðileikum evrópskra sjónvarpsstöðva sem starfa í almannaþágu Stefán Jón Hafstein Skoðun
Samræmd nálgun að öryggi og skilvirkni á ytri landamærum - Innleiðing EES á Íslandi Arngrímur Guðmundsson Skoðun
Eru vegir fyrir ferðamenn mikilvægari en vegir fyrir fólk sem býr hér? Petrína Þórunn Jónsdóttir Skoðun
Er Evrópa á villigötum? Efnahagsleg hnignun kallar á róttæka endurskoðun Eggert Sigurbergsson Skoðun