Boyhoood og Birdman eru líklegar til að fá Golden Globe-verðlaunin

Peter Knegt og Ben Travers, blaðamenn hinnar virtu bandarísku kvikmyndasíðu Indiewire, hafa tekið saman hverjir þeir telja vera líklegustu sigurvegarana á Golden Globe-hátíðinni sem verður haldin á sunnudagskvöld.





Besta dramamyndin

Boyhood

Foxcatcher

The Imitation Game

Selma

The Theory of Everything

Síðustu tvær myndirnar sem sigruðu í þessum flokki, Argo og 12 Years a Slave, hafa báðir hlotið Óskarsverðlaunin sem besta myndin. Samt hefur þetta þó aðeins gerst þrisvar á síðustu tíu árum. Indiewire telur að hin óvenjulega Boyhoood sem gerist á tólf ára tímabili muni bera sigur úr býtum á sunnudaginn. Sú mynd hefur einmitt hlotið mörg verðlaun upp á síðkastið.

Besta gaman- eða söngvamyndin

Birdman

The Grand Budapest Hotel

Into The Woods

Pride

St. Vincent

Indiewire telur að Birdman muni vinna í þessum flokki en vill engu að síður að The Grand Budapest Hotel hreppi hnossið.

Besta leikkonan í dramaflokki



Jennifer Aniston – Cake

Felicity Jones – The Theory of Everything

Julianne Moore – Still Alice

Rosamund Pike – Gone Girl

Reese Witherspoon – Wild

Indiewire telur líklegast að Julianne Moore vinni Golden Globe en heldur engu að síður með Rosamund Pike.

Besti leikarinn í dramaflokki

Steve Carell – Foxcatcher

Benedict Cumberbatch – The Imitation Game

Jake Gyllenhaal – Nighcrawler

David Oyelowo – Selma

Eddie Redmayne – The Theory of Everything

Indiewire spáir Eddie Redmayne sigri en hann túlkar vísindamanninn Stephen Hawking í The Theory of Everything. Minnstar líkur telja blaðamennirnir á að Gyllenhaal hljóti verðlaunin.

Besta leikkonan í gaman- eða söngvamynd

Amy Adams – Big Eyes

Emily Blunt – Into The Woods

Helen Mirren – The Hundred Foot Journey

Julianne Moore – Maps To The Stars

Quvenzhane Wallis – Annie

Indiwire spáir því að Emily Blunt hreppi hnossið fyrr leik sinn í Into Woods en vonar að Julianne Moore beri frekar sigur úr býtum. Moore er einmitt einnig tilnefnd í dramaflokknum og gæti því hlotið tvenn Golden Globe-verðlaun eins og Kate Winslet gerði eitt sinn.

Besti leikarinn í gaman- eða söngvamynd

Ralph Fiennes – The Grand Budapest Hotel

Michael Keaton – Birdman

Bill Murray – St. Vincent

Joaquin Phoenix – Inherent Vice

Christoph Waltz – Big Eyes

Indiewire spáir Michael Keaton sigri fyrir hlutverk sitt í Birdman, mynd Alejandros González Iñárritu. Í uppáhaldi hjá blaðamönnunum er samt frammistaða Ralphs Fiennes í The Grand Budapest Hotel. Þess má geta að Keaton hefur aldrei áður hlotið Golden Globe-tilnefningu. 

Besta tónlistin

Alexandre Desplat – The Imitation Game

Jóhann Jóhannsson – The Theory of Everything

Trent Reznor and Atticus Ross – Gone Girl

Antonio Sánchez – Birdman

Hans Zimmer – Interstellar

Kengt og Travers spá því að Desplat hljóti verðlaunin fyrir The Imitation Game en heldur engu að síður með Antonio Sánchez, sem var ekki gjaldgengur í Óskarinn vegna þeirra reglna sem þar eru viðhafðar. Jóhann Jóhannsson er einnig sagður líklegur til að hljóta verðlaunin.