Mikil eftirvænting ríkir nú vegna næstu Star Wars kvikmyndarinnar, sem frumsýnd verður fyrir jólin. Til stendur að gera sex myndir sem vitað er um, en aðdáendur þurfa ekki óttast að Star Wars hverfi aftur úr lífum þeirra á næstunni. Disney og Lucasfilm ætla sér í raun að gefa út eina kvikmynd úr Star Wars heiminum á hverju ári, þar til fólk er búið að fá nóg.
Þetta kemur fram í ítarlegri grein Wired um Lucasfilm, en þar segir að líklega verði enginn sem sá upprunalegu myndirnar í bíói á lífi þegar síðasta Star Wars myndin verður gefin út.
Meðal þeirra sex mynda sem stendur til að gera eru myndir VII, VIII, IX og Rogue One. Hins vegar eru söguheimur alveg gríðarlega stór. Um áraraðir hefur heimurinn verið útvíkkaður á milli útgáfu kvikmynda með tölvuleikjum, teiknimyndabókum, þáttum og öðru. Sá heimur hefur að vísu að mestu verið þurrkaður út núna með tilkomu nýju myndanna, en hugmyndirnar lifa auðvitað enn.
Eins og segir í grein Wired gæti Star Wars heimurinn náð tíu þúsund ár, fram og til baka, frá því að Luke Skywalker sprengdi upp Helstirnið. Svo lengi sem starfsmenn Lucasfilm og Disney búa yfir hugmyndum að kvikmyndum verður í raun hægt að framleiða þær. Að minnsta kosti þar til fólk missir áhugann á Star Wars.
Hætta ekki framleiðslu nýrra Star Wars mynda á næstunni

Tengdar fréttir

Han Solo og Leia prinsessa á nýjum veggspjöldum fyrir Star Wars
Enn bólar þó ekkert á Loga.

Japönsk stikla varpar frekara ljósi á Star Wars
Sjá má ný atriði í stiklunni og frekar frá atriðum sem áður höfðu verið sýnd.

JJ Abrams segir fjarveru Loga af plakatinu hluta af stærra plani
"Sú staðreynd að Logi er ekki í kynningarefni fyrir myndina er ekkert slys.“

Lést nokkrum dögum eftir að hafa séð Star Wars
Eiginkona Daniel Fleetwood náði til J.J. Abrams í gegnum samfélagsmiðla og fékk hann til að sýna Daniel ókláraða útgáfu af Force Awakens, áður en Daniel lést úr krabbameini.

Aðdáendur gráta yfir nýjustu stiklu The Force Awakens
Þriðja og nýjasta stikla Star Wars myndarinnar The Force Awakens hefur verið birt.

Tveggja og hálfs árs barn tekur ástfóstri við Svarthöfðastefið
Raular lagið fyrir svefninn.

Ný auglýsing fyrir Star Wars skilur eftir stórar spurningar
Er verið að kynna til leiks nýja fjölskyldufléttu? Er Han Solo á Hoth?