Þytur í laufi Berglind Pétursdóttir skrifar 26. október 2015 09:00 Ekkert öskrar íslenskur realismi eins og stingandi ískalt loft og laufhrúgur í innkeyrslu. Brennið sólstólana og dragið fram kakóið, veturinn er loksins kominn. Ég er ein af fáum sem ekki gráta hið íslenska gúmmísumar. Mér finnst lífsgæði mín sjaldan jafn áþreifanleg og þegar ég get vafið um mig ullarteppi eins og ég sé burrito og legið með frosið nef fyrir framan sjóðheitan Danfoss-ofn. Skvísutvennan pels og sólgleraugu var líka fundin upp á Íslandi. Það jafnast ekkert á við það að píra augun framan í lágreista vetrarsól íklæddur minkapels og öskra nokkrar línur úr hinu eftirminnilega lagi Vetrarsól með Bó. Kalt og bjart, svona á vetur að vera. Af því að ég er svona mikill vetraraðdáandi og vinn í auglýsingageiranum langar mig að koma með vinalega ábendingu til allra sem eru að reyna að selja eitthvað. Það mætti markaðssetja haustið og vetrarbyrjun mun betur. Það er orðið ógeðslega kalt og napurt. Ég hef ekki litið frídag á virkum síðan um verslunarmannahelgi og mun ekki gera fyrr en um jól. Veskið mitt öskrar og krefst þess að ég kaupi eitthvað til að gera mér kuldann bærilegri. Seljið mér ylvolgar smalabökur og sjóðheita kaffidrykki með graskerskeim, þótt ég hafi aldrei smakkað innvols graskers og geri mér enga grein fyrir bragðpallettu þess. Ég ímynda mér einhvern veginn jólalegan kanilkeim, en graskerslegri, þið skiljið. Prangið inn á mig kaðlapeysum og nýprjónuðum hosum – sjóðheitum af prjónum húsmæðraskólagenginna ömmusystra, færið mér flatböku með súpukjöti og blóðmörsís. Bara eitthvað, stemningu, helst í haustlitum. Ég er til í að klofa mittisháa laufbunka til að gera þessa vetrarupplifun mína sem stórkostlegasta. Ókei? Viltu birta grein á Vísi? Sendu okkur póst. Senda grein Berglind Pétursdóttir Mest lesið Suður-Íslendinga sögurnar Hans Birgisson Skoðun Hættulegustu tækin í umferðinni Eva Hauksdóttir Skoðun Hafrannsóknastofnun leggur til 95 prósent samdrátt í sjókvíaeldi á laxi Jón Kaldal Skoðun Stöndum vörð um tónlistarmenntun barna og ungmenna – opið bréf til borgarstjóra Sigrún Grendal Skoðun Hvað myndi Sesselja segja? Hallbjörn V. Fríðhólm Skoðun Manneklan er víða Brynhildur Bolladóttir Skoðun Framtíðarskipulag Keldnalands er ekki útópía – og þaðan af síður dystópía Birkir Ingibjartsson Skoðun Velkomin til Helvítis Guðný Gústafsdóttir Skoðun Styrkjum stöðu leigjenda Kristján Þórður Snæbjarnarson Skoðun Hækka launin þín þegar fasteignamatið á íbúðinni þinni hækkar? Daði Freyr Ólafsson Skoðun
Ekkert öskrar íslenskur realismi eins og stingandi ískalt loft og laufhrúgur í innkeyrslu. Brennið sólstólana og dragið fram kakóið, veturinn er loksins kominn. Ég er ein af fáum sem ekki gráta hið íslenska gúmmísumar. Mér finnst lífsgæði mín sjaldan jafn áþreifanleg og þegar ég get vafið um mig ullarteppi eins og ég sé burrito og legið með frosið nef fyrir framan sjóðheitan Danfoss-ofn. Skvísutvennan pels og sólgleraugu var líka fundin upp á Íslandi. Það jafnast ekkert á við það að píra augun framan í lágreista vetrarsól íklæddur minkapels og öskra nokkrar línur úr hinu eftirminnilega lagi Vetrarsól með Bó. Kalt og bjart, svona á vetur að vera. Af því að ég er svona mikill vetraraðdáandi og vinn í auglýsingageiranum langar mig að koma með vinalega ábendingu til allra sem eru að reyna að selja eitthvað. Það mætti markaðssetja haustið og vetrarbyrjun mun betur. Það er orðið ógeðslega kalt og napurt. Ég hef ekki litið frídag á virkum síðan um verslunarmannahelgi og mun ekki gera fyrr en um jól. Veskið mitt öskrar og krefst þess að ég kaupi eitthvað til að gera mér kuldann bærilegri. Seljið mér ylvolgar smalabökur og sjóðheita kaffidrykki með graskerskeim, þótt ég hafi aldrei smakkað innvols graskers og geri mér enga grein fyrir bragðpallettu þess. Ég ímynda mér einhvern veginn jólalegan kanilkeim, en graskerslegri, þið skiljið. Prangið inn á mig kaðlapeysum og nýprjónuðum hosum – sjóðheitum af prjónum húsmæðraskólagenginna ömmusystra, færið mér flatböku með súpukjöti og blóðmörsís. Bara eitthvað, stemningu, helst í haustlitum. Ég er til í að klofa mittisháa laufbunka til að gera þessa vetrarupplifun mína sem stórkostlegasta. Ókei?
Stöndum vörð um tónlistarmenntun barna og ungmenna – opið bréf til borgarstjóra Sigrún Grendal Skoðun
Framtíðarskipulag Keldnalands er ekki útópía – og þaðan af síður dystópía Birkir Ingibjartsson Skoðun
Stöndum vörð um tónlistarmenntun barna og ungmenna – opið bréf til borgarstjóra Sigrún Grendal Skoðun
Framtíðarskipulag Keldnalands er ekki útópía – og þaðan af síður dystópía Birkir Ingibjartsson Skoðun