Ford Focus RS er 350 hestöfl

Ford hefur loks gefið upp hvernig nýjasti Focus RS bíll verður útbúinn og það ætti ekki að svekkja mikið bílaáhugamenn. Þessi smái bíll verður með hvorki meira né minna en 350 hestafla vél sem er með 2,3 lítra sprengirými. Er hér komin þriðja kynslóð Focus RS, en sú fyrsta leit dagsins ljós árið 2002 og önnur árið 2009.

Einhverntíma þótti afrek að ná 100 hestöflum útúr hverjum lítra sprengirýmis en þessi vél sturtar út 152 hestöflum á hvern líter sprengirýmis, enda er hún útbúin twin-scroll forþjöppu með 23,2 psi þrýstingi og keflablásara.

Búist hafði verið við því að nýr Focus RS yrði með um 315 hestafla vél svo þessi nýja útgáfa hans er mun öflugri en flestir höfðu búist við og fyrir vikið ættu eigendur Subaru WRX STI, Golf R og Mitsubishi Lancer Evolution X að hræðast bílinn þegar hann kemur á göturnar.

Ford Focus RS kemur nú með Start-Stop tækni sem ræsir vélina aftur þegar stigið er á kúplinguna. Framleiðsla þessarar nýju útgáfu Ford Focus RS hefst seinna á þessu ári. Ekki er ljóst hvort Brimborg, innflutningsaðili Ford bíla á Íslandi, mun bjóða þenna bíl til sölu en vafalaust má sérpanta hann þar.