Speglar, þvottar, ástir og ölvun

Bókmenntaganga verður farin frá Alþingishúsinu um slóðir skáldkvenna í Reykjavík í kvöld en byrjað verður á að afhjúpa nýja bókmenntamerkingu til heiðurs Svövu Jakobsdóttur klukkan 17.15.

Hvort tveggja er gert í tilefni af lestrar­hátíð í Bókmenntaborg.

Í göngunni verður minnst kvenna sem þegar hafa verið merktar húsum í miðbænum og við sögu koma speglar, þvottar, ástir og ölvun.

Gangan tekur um það bil 90 mínútur. Leiðsögukonur verða þær María Þórðardóttir leikkona og Úlfhildur Dagsdóttir bókmenntafræðingur.