Volkswagen Golf GTI Clubsport í Frankfürt Finnur Thorlacius skrifar 10. september 2015 08:45 Volkswagen Golf GTI Clubsport er enn ein gerð þessa vinsæla bíls og ári öflug. Nú eru bara örfáir dagar þangað til bílasýningin í Frankfürt hefst og eins og vanalega eru bílaframleiðendur þessa dagana að sýna tilvonandi gestum hvað bera mun fyrir augu á sýningunni. Volkswagen mun sýna þennan Golf GTI Clubsport bíl en segja má um þennan bíl að hann passi á milli Golf GTI og Golf R, að minnsta kosti hvað afl varðar. Golf GTI Clubsport er 261 hestöfl, en hefðbundinn GTI er 210 hestöfl og Golf R er 300 hestöfl. Þessi Golf GTI Clubsport er eiginlega götuhæf útgáfa tilraunabíls sem Volkswagen kynnti á bílasýningu Volkswagen í Wörthersee í Austurríki fyrr í sumar. Þó svo að Golf GTI Clubsport sé skráður fyrir 261 hestafli er hann fær um að skila 286 hestöflum þökk sé overboost stillingu sem í bílnum er. Hann er 5,9 sekúndur í hundraðið með 6 gíra sjálfskiptingu með tveimur kúplingum, en 6,0 sekúndur beinskiptur. Þrátt fyrir alla snerpu sína er uppgefin eyðsla bílsins aðeins 6,9 lítrar. Golf GTI Clubsport er með talsverðar útlitsbreytingar borið saman við hefðbundinn GTI bíl. Stuðarinn er nýr, sílsa- og pústumgjörðin, vindskeiðin og felgurnar, sem dæmi. Sportsæti eru í bílnum sem klædd eru alcantara áklæði svo ökumaðurinn haldist nú rækilega á sínum stað. Búast má við því að þessi nýi Golf sé einhversstaðar á milli GTI og R í verði. GTI kostar 5.450.000 kr. hérlendis í Heklu og Golf R 6.990.000 kr. Þessi nýi gæti því orðið í boði fyrir ríflega 6 milljónir króna og því jafngóð kaup og í hinum tveimur. Mest lesið Grunaður um að hafa frelsissvipt ferðamann í nokkrar klukkustundir Innlent Hikar ekki við að lögsækja skuli Rafmennt nota nafn skólans Innlent Kalla eftir mannúð og miskunnsemi stjórnvalda gagnvart börnum Innlent Birgir Guðjónsson er látinn Innlent Waltz bolað úr embætti af Trump vegna Signal skilaboðanna Erlent Myndaveisla: Lúðrasveit, fánar og gríðarstór stytta á Verkalýðsdaginn Innlent Verkalýðsdagurinn haldinn í skugga sjálftöku forystumanna Innlent Þekkir ofbeldið sem konur í karllægum störfum verða fyrir Innlent Börnum haldið innilokuðum í „hryllingshúsi“ í fleiri ár Erlent Mun sjá eftir árásinni alla ævi Innlent
Nú eru bara örfáir dagar þangað til bílasýningin í Frankfürt hefst og eins og vanalega eru bílaframleiðendur þessa dagana að sýna tilvonandi gestum hvað bera mun fyrir augu á sýningunni. Volkswagen mun sýna þennan Golf GTI Clubsport bíl en segja má um þennan bíl að hann passi á milli Golf GTI og Golf R, að minnsta kosti hvað afl varðar. Golf GTI Clubsport er 261 hestöfl, en hefðbundinn GTI er 210 hestöfl og Golf R er 300 hestöfl. Þessi Golf GTI Clubsport er eiginlega götuhæf útgáfa tilraunabíls sem Volkswagen kynnti á bílasýningu Volkswagen í Wörthersee í Austurríki fyrr í sumar. Þó svo að Golf GTI Clubsport sé skráður fyrir 261 hestafli er hann fær um að skila 286 hestöflum þökk sé overboost stillingu sem í bílnum er. Hann er 5,9 sekúndur í hundraðið með 6 gíra sjálfskiptingu með tveimur kúplingum, en 6,0 sekúndur beinskiptur. Þrátt fyrir alla snerpu sína er uppgefin eyðsla bílsins aðeins 6,9 lítrar. Golf GTI Clubsport er með talsverðar útlitsbreytingar borið saman við hefðbundinn GTI bíl. Stuðarinn er nýr, sílsa- og pústumgjörðin, vindskeiðin og felgurnar, sem dæmi. Sportsæti eru í bílnum sem klædd eru alcantara áklæði svo ökumaðurinn haldist nú rækilega á sínum stað. Búast má við því að þessi nýi Golf sé einhversstaðar á milli GTI og R í verði. GTI kostar 5.450.000 kr. hérlendis í Heklu og Golf R 6.990.000 kr. Þessi nýi gæti því orðið í boði fyrir ríflega 6 milljónir króna og því jafngóð kaup og í hinum tveimur.
Mest lesið Grunaður um að hafa frelsissvipt ferðamann í nokkrar klukkustundir Innlent Hikar ekki við að lögsækja skuli Rafmennt nota nafn skólans Innlent Kalla eftir mannúð og miskunnsemi stjórnvalda gagnvart börnum Innlent Birgir Guðjónsson er látinn Innlent Waltz bolað úr embætti af Trump vegna Signal skilaboðanna Erlent Myndaveisla: Lúðrasveit, fánar og gríðarstór stytta á Verkalýðsdaginn Innlent Verkalýðsdagurinn haldinn í skugga sjálftöku forystumanna Innlent Þekkir ofbeldið sem konur í karllægum störfum verða fyrir Innlent Börnum haldið innilokuðum í „hryllingshúsi“ í fleiri ár Erlent Mun sjá eftir árásinni alla ævi Innlent