Knattspyrnusamband Evrópu hefur ákveðið að draga stig af Króatíu í undankeppni EM 2016 vegna uppákomu í leik liðsins gegn Ítalíu í síðasta mánuði.
Í miðjum leik uppgötvaðist að það mátti sjá hakakross í grasinu á vellinum eins og sjá má á meðfylgjandi mynd.
Málið var kært til Knattspyrnusambands Evrópu sem úrskuðaði að stigið sem Króatía vann sér inn með 1-1 jafntefli í leiknum skyldi tekið af liðinu.
Þá verður Króatía að spila næstu tvo heimaleiki sína fyrir luktum dyrum og greiða 100 þúsund evrur í sekt.
Króatía er nú með þrettán stig á toppi H-riðils, einu meira en Ítalía. Noregur er í þriðja sætinu með tíu stig.
Stig dregið af Króatíu vegna hakakross
Tengdar fréttir
Ítalía kvartar | Hakakross í grasinu í Króatíu
Svo virðist sem að hakakross hafi verið sleginn í grasið á vellinum þar sem Króatía mætti Ítalíu í kvöld.
