Bein útsending: Verður íslenskur sigur á heimsleikunum í CrossFit?

Heimsleikunum í CrossFit lýkur í dag. Keppni hefst núna klukkan 16.00 og stendur fram eftir kvöldi. Að sjálfsögðu má finna beina útsendingu frá keppninni hér inn á Vísi.

Við upphaf fjórða og síðasta keppnisdags er Ragnheiður Sara Sigmundsdóttir efst í kvennaflokki á heimsleikunum og Katrín Tanja Davíðsdóttir í þriðja sæti. Björgvin Karl Guðmundsson er sem stendur í fimmta sæti í karlaflokki.

Annie Mist Þórisdóttir er svo í 19. sæti og Þuríður Erla Helgadóttir í 31. Þá er íslenska liðið, CrossFit Reykjavík, í 32. sæti. Liðið hefur keppni klukkan 16.00 og keppir í bíldekkjaboðhlaupi. Það lýkur svo keppni með grein sem er eftir að tilkynna um og hefst klukkan 20.00.

Einstaklingarnir eiga aðeins eina grein eftir, þá sem á ensku heitir „Midline Madness.“ Keppni í karlaflokki hefst núna klukkan 17.45 og í kvennaflokki klukkan 18.50.

Hægt er að fylgjast með beinni útsendingu  frá liðakeppninni hér að neðan.