Tiger: Þetta er orðið mjög þreytandi

Tiger Woods segist vera orðinn pirraður á því hversu langan tíma það taki hann að komast aftur af stað eftir meiðsli en þessi fyrrum besti kylfingur heims er í dag í 266. sæti á styrkleikalista golfsins eftir slakt gengi undanfarin ár.

Woods sem hefur átt í erfiðleik með meiðsli, sveiflubreytingar sem og í einkalífinu missti í fyrsta sinn í ár af niðurskurðinum á bandaríska og Opna breska meistaramótinu á sama ári. Hefur honum ekki tekist að vinna á stórmóti frá árinu 2008 en hann lenti í 17. sæti á Masters-mótinu í vor.

„Ég bjóst ekki við því að þetta tæki jafn langan tíma og raun ber vitni. Ég bjóst við að stutta spilið yrði orðið betra en ég átti í miklum vandræðum með það í upphafi ársins. Þetta er orðið mjög þreytandi, mér tekst ekki að spila jafn vel og ég bjóst við. Ég er að ljúka 18 holum á yfir pari þegar ég á að geta leikið auðveldlega undir pari.“