Audi Q6 E-Tron í Frankfürt

Audi ætlar að sýna þenna Q6 E-Tron jeppling á komandi bílasýningu í Frankfürt í september komandi. Það sem vekur kannski mesta furðu er að þessi bíll er ekki líkur Q5 né nýjum Q7 jeppa Audi, heldur kveður hér við nýjan tón.

Það sem ef til vill skýrir það eru áhrif nýs hönnunarstjóra Audi, Marc Lichte, en áhrifa hans mun vafalaust mikið gæta í næstu nýju bílum Audi. Þykir mörgum það vel þar sem flestir bílar Audi í dag eru með keimlíkan svip og virðast annaðhvort stækkuð eða minnkuð úgáfa annarra gerða Audi bíla, þó fríðir séu.

Þessum bíl verður vafalaust att saman við komandi Tesla Model X, BMW X6 og Mercedes Benz GLE Coupe.