Hermann Jónsson ráðinn forstjóri Íbúðalánasjóðs

Stjórn Íbúðalánssjóðs hefur ráðið Hermann Jónasson sem forstjóra sjóðsins.

Hermann er lögfræðingur að mennt frá Háskóla Íslands, héraðsdómslögmaður og löggiltur verðbréfamiðlari frá Háskólanum í Reykjavík.

Samkvæmt tilkynningu frá Íbúðalánasjóði starfaði Hermann áður hjá fjármálaeftirlitinu, Landsbréfum, Landsbankan Íslands, Tal og síðast hjá Lögfræðistofu Jónatansson & co.

Hermann var á meðal fjórtán umsækjenda um stöðuna.

Sjá tilkynninguna hér fyrir neðan:

Stjórn Íbúðalánssjóðs hefur ráðið Hermann Jónasson sem forstjóra sjóðsins.

Hermann er lögfræðingur að mennt frá Háskóla Íslands (1995), héraðsdómslögmaður (2000) og löggiltur verðbréfamiðlari frá Háskólanum í Reykjavík (2003).

Hermann starfaði:

• hjá Fjármálaráðuneytinu sem lögfræðingur á Tekju- og lagaskrifstofu ráðuneytisins (1995–2000),
• hjá Landsbréfum hf. sem forstöðumaður Verðbréfasviðs (2000–2002),
• hjá Landsbanka Íslands hf. sem forstöðumaður Verðbréfaþjónustu og Sérbankaþjónustu auk þess að vera framkvæmdastjóri Íslenska lífeyrissjóðsins (2002-2004),
• hjá Landsbanka Íslands hf. sem framkvæmdastjóri Sölu- og markaðssviðs (2004-2008)
• hjá Tal hf. sem forstjóri og leiddi þar m.a. sameiningu fjarskiptafyrirtækjanna Hive og Sko (2008-2010)
• hjá Arion banka hf. sem framkvæmdastjóri Þróunar- og markaðssviðs (2010-2011)
• hjá Lögfræðistofu Jónatansson & co. að lögfræðistörfum fyrir slitastjórn VBS fjárfestingarbanka hf. (2011-2015)

Hermann er giftur Guðrúnu Sigtryggsdóttur, yfirlögfræðingi hjá skóla- og frístundasviði Reykjavíkurborgar og saman eiga þau þrjár dætur.

Hermann mun hefja störf hjá Íbúðalánasjóði n.k. mánudag 20. júlí.