Alexis Tsipras, forsætisráðherra Grikklands, biður þjóð sína um að segja nei í þjóðaratkvæðagreiðslu sem haldin verður þar í landi á sunnudaginn. Í sjónvarpsávarpi í dag sagði hann að vera Grikklands í Evrópusambandinu væri ekki í húfi og bað hann kjósendur um að hlusta ekki á hræðsluáróður.
Grikkir munu kjósa um aðstoðartilboð frá kröfuhöfum þeirra á sunnudaginn. Tilboðið felur í sér að Grikkir þurfi að draga verulega úr kostnaði ríkisins, hækka skatta og draga úr lífeyri.
Leiðtogar ESB segja að neitun gæti mögulega þýtt úrgöngu Grikkja úr evrusamstarfinu. Yfirvöld í Grikklandi virðast hins vegar telja að neitun myndi styrkja stöðu þeirra í áframhaldandi viðræðum vegna skuldavanda Grikklands.
Jean-Claude Juncker segir að staða Grikkja yrði töluvert verri ef þeir segi nei. „Jafnvel þótt þeir segi já eru mjög erfiðar viðræður framundan.“ Jerosen Dijsselbloem, formaður evrusamstarfsins, segir að Grikkir hafi valið áhættusama leið, sama hvernig þjóðaratkvæðagreiðslan fer.
Dagblaðið Ethnos birti í dag skoðanakönnun þar sem fram koma að 44,8 prósent ætla að segja já og 43,4 prósent ætla að segja nei.
Biður Grikki um að segja nei við "kúgunum“

Tengdar fréttir

Grikkir þurfa 60 milljarða evra í neyðaraðstoð að mati AGS
Ný skýrsla AGS um efnahagshorfur í Grikklandi kom út í dag.

Örtröð við gríska banka í morgun
Opnaðir fyrir ellilífeyrisþega sem nota ekki greiðslukort. Geta að hámarki tekið út 120 evrur.

Gríska þjóðin dofin: „Grikkir eru ekki vanir að taka ákvarðanir fyrir sjálfan sig“
Ræðismaður Íslands í Grikklandi lýsir ástandinu fyrir þjóðaratkvæðagreiðsluna um helgina.

Hvers vegna fá Grikkir ekki sömu meðferð og Þjóðverjar?
Ráðamenn í Brüssel og Berlín voru meðvitaðir um sjónhverfingarnar sem beitt var við að fegra grísk ríkisfjármál í aðdraganda þátttöku Grikklands í evrusamstarfinu.

Tsipras segir að viðræður haldi áfram eftir þjóðaratkvæðagreiðsluna
Forsætisráðherra Grikklands segir það ekki satt að höfnun krafna lánardrottna myndi hafa í för með sér brottrekstur úr ESB.

Betra að skera af sér hönd en samþykkja
Fjármálaráðherra Grikklands hyggst segja af sér ef Grikkir kjósa já í þjóðaratkvæðagreiðslu um helgina.