Veiði hófst í Elliðaánum í morgun Karl Lúðvíksson skrifar 20. júní 2015 08:47 Hanna Guðrún Sigurjónsdóttir með fyrsta laxinn úr Elliðaánum í sumar Mynd: KL Það hefur alltaf verið hátíðleg stund þegar Elliðaárnar opna fyrir veiðimönnum og það var engin breyting á þetta árið. Sú hefð, frá borgarstjórnartíð Jóns Gnarr, að Reykvíkingur ársins opni ánna hefur haldið áfram hjá Degi B. Eggertssyni borgarstjóra og í ár var það Hanna Guðrún Sigurjónsdóttir sem fékk þann heiður að renna fyrst í ánna undir styrkri leiðsögn leiðsögumannsins Ásgeirs Heiðars. Að venju er rennt í Sjávarfossinn fyrst en þar var ekki lax í morgun að því er virtist. Ásgeir fór þá með Hönnu í Fosskvörn sem er rétt fyrir neðan Sjávarfossinn og þar tók ekki nema eitt rennsli til að setja í lax. Eftir snarpa baráttu var fyrsta laxi sumarsins kominn á land klukkan 7:30 og var það um 4 punda hrygna sem tók maðk. Þetta var maríulax Hönnu og miðað við fagmannlega takta við bakkann er ljóst að þarna er veiðikona fædd. Fjölmennt var við ánna í morgun að venju á þessum fyrsta veiðidegi en ásamt fjölmennu liði fjölmiðlamanna var stjórn SVFR og árnefnd mætt við bakkann eldsnemma í morgun. Þessi byrjun lofar mjög góðu í ánni enda virtist laxinn vel haldinn og þetta getur ekki annað en lofað góðu fyrir sumarið. Stangveiði Mest lesið Litlar líkur á vatnsleysi á komandi sumri? Veiði Frábær opnun í Hítará: 11 stórlaxar af 16 Veiði Fjólmennt við Þingvallavatn í dag Veiði Hliðarvatns dagurinn sunnudaginn 11.júní Veiði 107 sm hrygna sú stærsta í sumar í Laxá Veiði Vorveiði í Soginu getur gefið fína veiði Veiði Fyrstu laxarnir eru mættir í Elliðaárnar Veiði Stígandi í veiðinni í Jöklu Veiði Ný bók um rjúpnaveiði Veiði Léttklæddar laxaflugur Veiði
Það hefur alltaf verið hátíðleg stund þegar Elliðaárnar opna fyrir veiðimönnum og það var engin breyting á þetta árið. Sú hefð, frá borgarstjórnartíð Jóns Gnarr, að Reykvíkingur ársins opni ánna hefur haldið áfram hjá Degi B. Eggertssyni borgarstjóra og í ár var það Hanna Guðrún Sigurjónsdóttir sem fékk þann heiður að renna fyrst í ánna undir styrkri leiðsögn leiðsögumannsins Ásgeirs Heiðars. Að venju er rennt í Sjávarfossinn fyrst en þar var ekki lax í morgun að því er virtist. Ásgeir fór þá með Hönnu í Fosskvörn sem er rétt fyrir neðan Sjávarfossinn og þar tók ekki nema eitt rennsli til að setja í lax. Eftir snarpa baráttu var fyrsta laxi sumarsins kominn á land klukkan 7:30 og var það um 4 punda hrygna sem tók maðk. Þetta var maríulax Hönnu og miðað við fagmannlega takta við bakkann er ljóst að þarna er veiðikona fædd. Fjölmennt var við ánna í morgun að venju á þessum fyrsta veiðidegi en ásamt fjölmennu liði fjölmiðlamanna var stjórn SVFR og árnefnd mætt við bakkann eldsnemma í morgun. Þessi byrjun lofar mjög góðu í ánni enda virtist laxinn vel haldinn og þetta getur ekki annað en lofað góðu fyrir sumarið.
Stangveiði Mest lesið Litlar líkur á vatnsleysi á komandi sumri? Veiði Frábær opnun í Hítará: 11 stórlaxar af 16 Veiði Fjólmennt við Þingvallavatn í dag Veiði Hliðarvatns dagurinn sunnudaginn 11.júní Veiði 107 sm hrygna sú stærsta í sumar í Laxá Veiði Vorveiði í Soginu getur gefið fína veiði Veiði Fyrstu laxarnir eru mættir í Elliðaárnar Veiði Stígandi í veiðinni í Jöklu Veiði Ný bók um rjúpnaveiði Veiði Léttklæddar laxaflugur Veiði