Nico Rosberg vann í Austurríki

Nico Rosberg á Mercedes vann austurríska kappaksturinn, liðsfélagi hans, Lewis Hamilton varð annar og Felipe Massa á Williams varð þriðji. Nú er munurinn tíu stig í baráttunni um heimsmeistaratitil ökumanna.

Rosberg stal forystunni af Hamilton strax í ræsingu. Kimi Raikkonen og Fernando Alonso lentu í samstuði sem olli því að McLaren bíll Spánverjans endaði ofan á Ferrari bíl Finnans. Öryggisbíllinn kom út í kjölfar þessa.

Rosberg tók þjónustuhlé á hring 33, dekkin voru orðin slitin og Hamitlon var farinn að nálgast um 0,7 sekúndur á hring. Hamilton tók svo þjónustuhlé en kom út á brautina á eftir Rosberg.

Massa komst fram úr Vettel í þjónustuhléinu eftir afar slakt þjónustuhlé hjá Ferrari. Sebstian Vettel þurfti því að berjast ef hann ætlaði að ná ráspól. Vettel reyndi hvað hann gat en komst ekki fram úr Massa.

Fimm sekúndum var bætt við heildar keppnistíma Hamilton vegna þess að han ók yfir öryggislínu á leið sinni út af þjónustusvæðinu.

Baráttan um þriðja sætið var besta baráttan á brautinni. Massa vildi væntanlega síst af öllu tapa verðlaunasætinu til Ferrari.

Rosberg hafði áhyggjur af víbringi í dekki á bíl sínum. Hann bað í talstöðinni um að „öll augu væru á upplýsingum um dekkið.“ Áhyggjur hans urðu að engu þegar hann kost yfir endamarkið.