Sveinbjörn tapaði í fyrstu umferð

Sveinbjörn Iura tapaði fyrir þýskum andstæðingi í fyrstu umferð -81 kg flokki júdókeppninnar á Evrópuleikunum sem nú fara fram í fyrsta sinn í Bakú.

Sveinbjörn tapaði fyrir Alexander Wieczerzak frá Þýskalandi en hann er fyrrverandi heimsmeistari 20 ára og yngri.

Sveinbjörn náði að skora Yuko í bardaganum en sá þýski vann sigur á Ippon þegar 3:57 mínútur voru eftir.

Wieczerzak er nú þegar búinn að vinna næstu þrjár glímur, allar á Ippon, og er kominn í fjórðungsúrslit.