Fiskurinn tregur í köldu Þingvallavatni Karl Lúðvíksson skrifar 3. maí 2015 19:53 Þingvallableikja Mynd: Magnús Þór Ágústsson Vorveiðin í Þingvallavatni fór ágætlega af stað en stanslaus kuldatíð hefur ekki hjálpað mikið til að koma veiðinni almennilega í gang. Vatnið er núna um 2 gráður en var nær 3 gráðum í fyrra og þessi litli hitamunur getur haft svolítið mikið að segja. Það er nokkuð mikill munur á tökugleðinni núna miðað við í fyrra hjá þeim veiðimönnum sem við ræddum við í dag en flestir þeirra hafa stundað þessar vorveiðar í nokkur ár og þekkja vel vatnið, fiskinn og hvað hann er helst gjarn á að taka. Þegar vatnið hlýnar betur fylgir fiskurinn yfirleitt vel eftir og það snarlifnar yfir tökunni. Urriðinn getur verið að taka vel í vatninu alveg fram til loka maí en besti tíminn er yfirleitt talinn næstu tvær vikur. Bleikjan er eitthvað byrjuð að taka en það er þó hending því bleikjuveiðin fer yfirleitt ekki almennilega í gang fyrr en í lok maí, stundum fyrr. Ágætur veiðimaður af eldri kynslóðinni hafði á orði að besta viðmiðið til að mæta við vatnið og ná upphafinu á bleikjutímanum er að mæta þegar brumið er komið á trén og þegar fyrstu laufin opnast, þá er besti tíminn að hans mati. Stangveiði Mest lesið Risavaxinn bleikja úr Eyjafjarðará Veiði Eitt magnaðasta veiðisvæði landsins Veiði Elliðaárnar opnuðu í gær Veiði 24 punda hængur úr Víðidalsá Veiði Þverá og Kjarrá opna með ágætum Veiði Laxinn mættur í Ytri Rangá Veiði Flott veiði í Svartá í Skagafirði Veiði Dularfullu flugur sumarsins 2011? Veiði Vilja að skotveiðimenn hafi raunveruleg áhrif Veiði Veiðivötn: 19. 647 silungar veiddust á stöng Veiði
Vorveiðin í Þingvallavatni fór ágætlega af stað en stanslaus kuldatíð hefur ekki hjálpað mikið til að koma veiðinni almennilega í gang. Vatnið er núna um 2 gráður en var nær 3 gráðum í fyrra og þessi litli hitamunur getur haft svolítið mikið að segja. Það er nokkuð mikill munur á tökugleðinni núna miðað við í fyrra hjá þeim veiðimönnum sem við ræddum við í dag en flestir þeirra hafa stundað þessar vorveiðar í nokkur ár og þekkja vel vatnið, fiskinn og hvað hann er helst gjarn á að taka. Þegar vatnið hlýnar betur fylgir fiskurinn yfirleitt vel eftir og það snarlifnar yfir tökunni. Urriðinn getur verið að taka vel í vatninu alveg fram til loka maí en besti tíminn er yfirleitt talinn næstu tvær vikur. Bleikjan er eitthvað byrjuð að taka en það er þó hending því bleikjuveiðin fer yfirleitt ekki almennilega í gang fyrr en í lok maí, stundum fyrr. Ágætur veiðimaður af eldri kynslóðinni hafði á orði að besta viðmiðið til að mæta við vatnið og ná upphafinu á bleikjutímanum er að mæta þegar brumið er komið á trén og þegar fyrstu laufin opnast, þá er besti tíminn að hans mati.
Stangveiði Mest lesið Risavaxinn bleikja úr Eyjafjarðará Veiði Eitt magnaðasta veiðisvæði landsins Veiði Elliðaárnar opnuðu í gær Veiði 24 punda hængur úr Víðidalsá Veiði Þverá og Kjarrá opna með ágætum Veiði Laxinn mættur í Ytri Rangá Veiði Flott veiði í Svartá í Skagafirði Veiði Dularfullu flugur sumarsins 2011? Veiði Vilja að skotveiðimenn hafi raunveruleg áhrif Veiði Veiðivötn: 19. 647 silungar veiddust á stöng Veiði