Glatt á hjalla hjá aðstandendum Hrúta

Það var kátt á hjalla hjá aðstandendum kvikmyndarinnar Hrúta nú á dögunum, enda ærin ástæða til. Á dögunum fékk myndin tilfnefningu til Un Certain Regard á Cannes kvikmyndahátíðinni. Í tilefni þess kom hópurinn sem stendur að myndinni saman heima hjá framleiðandanum Grímari Jónssyni hjá Netop Films og átti þar góða kvöldstund.

Nýjasta mynd Gríms Hákonarsonar, Hrútar, var valin til sýningar á Cannes fyrir tveimur vikum. Un Certain Regard er annar flokka hátíðarinnar sem er fyrir kvikmyndir í fullri lengd og þetta er í fjórða skipti sem íslensk kvikmynd er valin til sýningar á hátíðinni.