Svíþjóð tekur þátt í baráttunni gegn ISIS

Svíþjóð mun senda hermenn til Írak, þar sem þeir munu aðstoða í baráttunni gegn Íslamska ríkinu. Yfirvöld í Stokkhólmi tilkynntu þetta í dag, en þeim hafði borist beiðni frá Bagdad um að veita Írökum aðstoð.

Svíar munu senda 35 hermenn, sem staðsettir verða í Norður-Írak. Þar munu þeir þjálfa þarlenda hermenn og ráðleggja þeim í bardögum við vígamenn ISIS.

„Samstaða gegn hryðjuverkum, er lykillinn að sigri,“ segja Margot Wallstrom, utanríkisráðherra, og Peter Hultqvist, varnarmálaráðherra, í grein á vef Dagens Nyheter. „Við munum halda áfram að styjða þá baráttu.“