Ásgrímur Helgi Einarsson hefur verið ráðinn sölustjóri Mercedes-Benz fólksbíla hjá bílaumboðinu Öskju ásamt því að setjast í framkvæmdaráð fyrirtækisins. Ásgrímur starfaði hjá VÍS undanfarin 16 ár og síðustu sex ár sem deildarstjóri og sölustjóri fyrirtækisins.
,,Það er mjög ánægjulegt og um leið spennandi að taka við starfi sölustjóra Mercedes-Benz sem er stærsti framleiðandi lúxusbíla í heiminum og jafnframt elsti bílaframleiðandi heims. Mercedes-Benz hefur átt mikilli velgengni að fagna á Íslandi sem og annars staðar og er mest seldi lúxusbíllinn hér á landi undanfarin ár.
Stefnan er að sjálfsögðu að halda þessum góða árangri áfram og ég hlakka til að takast á við þá áskorun,” segir Ásgrímur sem lokið hefur rekstar- og viðskiptanámi frá Endurmenntun HÍ og er löggiltur bílasali.
Ásgrímur hefur starfað mikið fyrir íþróttahreyfinguna. Hann var framkvæmdastjóri knattspyrnudeildar Stjörnunnar á árunum 1997-1999 og er núverandi formaður Keilufélags Reykjavíkur. Hann hefur lokið A knattspyrnuþjálfararéttindum hjá UEFA og þjálfaranámskeiði 1 hjá evrópska keilusambandinu.
Ásgrímur nýr sölustjóri Mercedes-Benz
