Snæfell og Keflavík unnu sína leiki - úrslit kvöldsins í kvennakörfunni

Snæfell er áfram með fjögurra stiga forskot á Keflavík í baráttunni um deildarmeistaratitilinn í Dominos-deild kvenna í körfubolta. Snæfell vann Val í kvöld en Keflavík hafði betur á móti KR.

Snæfell vann sextán stiga sigur á Val, 86-70, eftir að hafa unnið þriðja leikhlutann 26-11. Snæfellskonur gefa ekkert en þetta var áttundi heimasigur liðsins í röð. Snæfellsliðið á auk þess leik inni á Keflavík.

Kristen Denise McCarthy var með 35 stig og 17 fráköst fyrir Snæfell, Gunnhildur Gunnarsdóttir skoraði 13 stig og systir hennar Berglind Gunnarsdóttir var með 12stig. Hildur Sigurðardóttir bætti síðan við 9 stigum, 7 fráköstum og 7 stoðsendingum.

Taleya Mayberry skoraði 19 stig fyrir Val og Kristrún Sigurjónsdóttir var með 16 stig.

Kanalausar Keflavíkurdömur unnu átta stiga sigur á KR, 85-77, eftir að hafa vera aðeins tveimur stigum yfir fyrir lokaleikhlutann, 55-53. Keflavíkurliðið vann fjórða leikhlutann 30-24 og þar með leikinn nokkuð örugglega.

Sara Rún Hinriksdóttir var með 20 stig fyrir Keflavík og fyrirliðinn Sandra Lind Þrastardóttir bætti við 13 stigum, 10 fráköstum og 6 stoðsendingum. Ingunn Embla Kristínardóttir skoraði síðan 12 stig og Marín Laufey Davíðsdóttir var með 10 stig.

Stórleikur Bjargar Guðrúnar Einarsdóttur dugði ekki fyrir KR en hún var með 27 stig og sjö þriggja stiga körfur í leiknum.

Hamar hafði betur í hörkuleik á móti Breiðabliki í Hveragerði en Hamarskonur unnu leikinn 75-69. Sydnei Moss skoraði 32 stig, tók 10 fráköst og gaf 7 stoðsendingar hjá Hamarsliðinu og Þórunn Bjarnadóttir skoraði 17 stig.

Arielle Wideman var með 21 stig, 11 fráköst og 7 stoðsendingar hjá Blikum og Aníta Rún Árnadóttir skoraði 13 stig þar af tíu þeirra í fyrsta leikhlutanum sem Blikar unnu 24-16.

Haukar unnu ellefu stiga sigur á Grindavík, 80-69, eftir að hafa verið sjö stigum undir í hálfleik, 38-31, og átta stigum undir fyrir lokaleikhlutann, 54-46.  Haukakonur tryggðu sér lífsnauðsynlegan sigur með frábærum fjórða leikhluta sem Hafnarfjarðarliðið vann 34-15.

Lele Hardy ætlar sér að koma sínu liði í úrslitakeppnina en hún var með 36 stig, 22 fráköst og 7 stoðsendingar fyrir Hauka í kvöld. Sólrún Inga Gísladóttir skoraði 12 stig fyrir Hauka, Auður Ólafsdóttir skoraði 11 stig og Guðrún Ósk Ámundadóttir var með 10 stig og 11 fráköst.



Úrslit og stigaskor úr leikjum kvöldsins:

Keflavík-KR 85-77 (19-17, 19-13, 17-23, 30-24)

Keflavík: Sara Rún Hinriksdóttir 20/5 fráköst, Sandra Lind Þrastardóttir 13/10 fráköst/6 stoðsendingar, Ingunn Embla Kristínardóttir 12/4 fráköst, Marín Laufey Davíðsdóttir 10/4 fráköst, Birna Ingibjörg Valgarðsdóttir 9, Hallveig Jónsdóttir 7, Bryndís Guðmundsdóttir 7/5 fráköst, Lovísa Falsdóttir 5, Bríet Sif Hinriksdóttir 2..

KR: Björg Guðrún Einarsdóttir 27, Simone Jaqueline Holmes 19/6 stoðsendingar, Bergþóra Holton Tómasdóttir 13/5 fráköst, Þorbjörg Andrea Friðriksdóttir 8/6 fráköst, Sara Mjöll Magnúsdóttir 6, Perla Jóhannsdóttir 2, Helga Einarsdóttir 2/15 fráköst.

 

Grindavík-Haukar 69-80 (18-17, 20-14, 16-15, 15-34)

Grindavík: Kristina King 22/7 fráköst, Petrúnella Skúladóttir 12/10 fráköst/6 stoðsendingar, Pálína María Gunnlaugsdóttir 12/5 fráköst, Guðlaug Björt Júlíusdóttir 11/4 fráköst, María Ben Erlingsdóttir 8, Ingibjörg Jakobsdóttir 4.

Haukar: LeLe Hardy 36/22 fráköst/7 stoðsendingar, Sólrún Inga Gísladóttir 12, Auður Íris Ólafsdóttir 11, Guðrún Ósk Ámundadóttir 10/11 fráköst, Sylvía Rún Hálfdanardóttir 6/8 fráköst, Þóra Kristín Jónsdóttir 5.



Hamar-Breiðablik 75-69 (16-24, 21-16, 38-29)

Hamar: Sydnei Moss 32/10 fráköst/7 stoðsendingar/5 stolnir, Þórunn Bjarnadóttir 17/5 fráköst, Heiða B. Valdimarsdóttir 15, Salbjörg Ragna Sævarsdóttir 4/10 fráköst/3 varin skot, Vilborg Óttarsdóttir 3, Sóley Gíslína Guðgeirsdóttir 2/11 fráköst, Helga Vala Ingvarsdóttir 2..

Breiðablik: Arielle Wideman 21/11 fráköst/7 stoðsendingar/5 stolnir, Aníta Rún Árnadóttir 13, Berglind Karen Ingvarsdóttir 9/4 fráköst, Jóhanna Björk Sveinsdóttir 7/6 fráköst, Elín Sóley Hrafnkelsdóttir 7/4 fráköst, Kristbjörg Pálsdóttir 6, Isabella Ósk Sigurðardóttir 4/8 fráköst, Birna Eiríksdóttir 2.



Snæfell-Valur 86-70 (25-21, 24-25, 26-11, 11-13)

Snæfell: Kristen Denise McCarthy 35/17 fráköst, Gunnhildur Gunnarsdóttir 13/6 fráköst, Berglind Gunnarsdóttir 12/6 fráköst, Helga Hjördís Björgvinsdóttir 9/5 fráköst, Hildur Sigurðardóttir 9/7 fráköst/7 stoðsendingar, Hugrún Eva Valdimarsdóttir 4/7 fráköst, Rósa Indriðadóttir 2, María Björnsdóttir 2..

Valur: Taleya Mayberry 19, Kristrún Sigurjónsdóttir 16/4 fráköst, Guðbjörg Sverrisdóttir 9/5 stoðsendingar, Sara Diljá Sigurðardóttir 8/8 fráköst, Ragna Margrét Brynjarsdóttir 7/5 fráköst, Ragnheiður Benónísdóttir 6/6 fráköst, Sóllilja Bjarnadóttir 3, Regína Ösp Guðmundsdóttir 2.