Árekstur Alonso vindinum að kenna

Fernando Alonso lenti í harkalegu samstuði við varnarvegg á loka degi annarrar æfingalotu fyrir komandi tímabil.

McLaren hefur staðfest að það er í lagi með Alonso, hann var fluttur með sjúkraþyrlu á sjúkrahús. Spánverjinn rotaðist við höggið.

Miklir vindar og skyndilegt gripleysi í samspili við að bíllinn öðlast skyndilega aftur grip ollu óhappinu.

McLaren liðið slær á allar sögur um að meðvitundarleysi hafi verið veldur af árekstrinum. Liðið segir að gögn úr bílnum sýni að Alonso hafi verið að gíra niður og reyna að bremsa eins og hægt var alveg þangað til hann lenti fyrst á veggnum.

„Hann fór aðeins of vítt í beygju þrjú - sem er hröð hægri beygja og ögn upp á við - hann fer þá út á gervigrasið í útjaðri brautarinnar. Hann missir þess vegna grip sem veldur óstöðugleika, bíllinn kastast þá aftur inn á brautina þegar hann nær gripi og hafnaði svo á veggnum hinu megin með hægri hliðina á undan,“ segir í yfirlýsingu liðsins.

„Við getum með fullri vissu sagt að það er ekkert sem bendir til þess að bilun hafi komið upp í bílnum. Við getum einnig staðfest að loftflæðiþrýstingurinn á bílnum minnkaði ekki, sem sýnir að hann missti ekki niðurtog, þrátt fyrir að hafa fengið á sig þungt högg. Að lokum getum við bætt við að ekkert rafmagn leiddi út úr orkusöfnunarkerfinu, hvorki fyrir, á meðan eða eftir áreksturinn,“ sagði einnig í yfirlýsingu liðsins.

Alonso er að jafna sig en óvíst er hvort hann tekur þátt í siðustu æfingalotu tímabilsins, sem hefst á Katalóníubrautinni á fimmtudaginn.