Kræsilegt kjúklingasalat Rikku

Hér kemur uppskrift af bráhollu og brakandi fersku asísku kjúklingasalati úr smiðju Rikku. Þetta er matarmikið, ótrúlega bragðgott og einfalt.

Asískt kjúklingasalat

200 g gulrætur, rifnar

½ stk agúrka, skorin í bita

½ stk rauðlaukur, saxaður

100 g rauðkál, fínsaxað

1 stk rauð paprika, skorin í bita

150 g baunaspírur

handfylli mintulauf

50 g kasjúhnetur, grófsaxaðar

1 stk grillaður kjúklingur,

kjötið tekið af án skinns

1 stk lárpera, afhýdd og sneidd

Sósa:

2 msk sesamolía

2 msk sojasósa

2 msk fiskisósa (fish sauce)

1 msk engifer, rifið

2 stk hvítlauksrif, pressuð

safi af 1 límónu

sjávarsalt

Salat: Setjið allt saman í skál. 

Sósa: Hrærið allt saman í matvinnsluvél og hellið saman við kjúklingasalatið.