Toppliðin unnu sína leiki

Þrír leikir voru í Dominos deild kvenna í körfubolta og unnu toppliðin sína leiki

Íslandsmeistarar Snæfells eru sem fyrr á toppnum eftir 101-76 sigur á Grindavík. Var þetta fyrsti ósigur Grindavíkur á árinu.

Snæfell er með 34 stig á toppi deildarinnar en Grindavík er með 24 stig í þriðja sæti.

Keflavík lagði Val 88-72 á útivelli. Keflavík var níu stigum yfir í hálfleik 48-39.

Keflavík er með 32 stig en Valur er í fimmta sæti með 20 stig.

Hamar lagði KR 58-55. Hamar er með 10 stig í sjötta sæti en KR er í sætinu á eftir með 6 stig.