Bragðgott thai curry að hætti Sollu

Leikkonan Aníta Briem kom í heimsókn til Heilsugengisins í þættinum sem sýndur var á Stöð 2 í gærkvöldi. Solla Eiríks bjó til einstaklega bragðgott og hollt thai curry fyrir Anítu.

Uppskrift:

2 dl vatn

3 dl kókosmjólk

1 tsk. grænt karrýmauk

1 hvítlauksrif, pressað

2 cm biti fersk engiferrót, smátt söxuð

3-4 límónulauf

1 stöngull sítrónugras

500 g grænmeti, skorið í passlega bita. (120 g gulrætur, 120 g paprika, 120 g blómkál, 120 g sætar kartöflur)

200 g soðnar svartar baunir

½ tsk. salt

1 hnefi ferskur kóríander

Setjið vatn, kókosmjólk, grænt karrý mauk, hvítlauk, engifer, límónulauf, sítrónugras í pott, hrærið í og látið suðuna koma upp. Bætið grænmeti útí og látið malla í um 10 mín eða þar til grænmetið er byrjað að mýkjast. Klippið ferskan kóríander yfir og berið fram með grænu salati.