Ekki eyðileggja "góðu stundirnar“ Lilja Katrín Gunnarsdóttir skrifar 10. október 2014 09:50 „Heyrðu, hvernig gekk með þessa píu í gær?“ „Æi, ég tók eitthvað í hana og reyndi að kyssa hana. Þá bara brjálaðist hún og sagðist ætla að hringja á lögguna ef ég hætti ekki!“ „Oh, alltaf þarf löggan að eyðileggja góðu stundirnar.“ Þetta samtal heyrði ég á milli tveggja ungra pilta á Laugaveginum á sunnudagsmorgni fyrir stuttu. Þeir voru nýskriðnir af djamminu, enn þá hífaðir og ég er nokkuð viss um að þeir héldu sér gangandi á vímugjöfum sem eru aðeins sterkari en áfengi. En þeir hittu naglann á höfuðið. Löggan eyðileggur stundum „góðu stundirnar“. Það er náttúrulega glatað. Því þegar við stelpur segjum: „Hættu þessu eða ég hringi á lögguna“ erum við í raun að segja: „Vá, þú ert fallegasti maður sem ég hef séð. Mig langar að njóta ásta með þér og eyða ævinni í örmum þínum en ég bara verð að segja nei svo þú gangir á eftir mér og viljir mig meira.“ Er það ekki stelpur? Það er svo glatað að segja bara já strax. Gefa samþykki. Það tekur allt fútt úr eltingarleiknum. Þetta hlýtur löggan að vita. Skrítið að hún sé samt enn í því að eyðileggja „góðu stundirnar“. Er enginn búinn að segja þeim mönnum og konum sem halda uppi lögum og reglu í þessu landi hvað við konur meinum í alvöru þegar við segjum „nei“, „farðu af mér“, „hættu“, „slepptu mér“, „þetta er vont“? Jæja, þá. Þá geri ég það hér með. Og tala fyrir hönd allra kynsystra minna því þegar kemur að „góðu stundunum“ erum við allar eins. Við stelpur viljum láta áreita okkur. Við viljum að karlmenn þröngvi sér upp á okkur. Við viljum ekki að þeir hætti þegar við segjum nei. Og við viljum alls ekki að einhver skerist í leikinn þegar þeir sjá að við getum ekki varið okkur fyrir ágengum karlmönnum sem vilja komast í buxurnar okkar. Ok? #kaldhæðni Viltu birta grein á Vísi? Sendu okkur póst. Senda grein Lilja Katrín Gunnarsdóttir Mest lesið Skýr stefna um málfrelsi Róbert H. Haraldsson Skoðun Þriggja stiga þögn Bjarni Karlsson Skoðun Nú þarf að gyrða sig í brók Gunnlaugur Stefánsson Skoðun Hvers vegna sífellt fleiri sækjast eftir einveru Ingrid Kuhlman Skoðun Sporin þín Valtýr Soffía Sigurðardóttir Skoðun Fimm af tíu veitingastöðum hættu með hvalkjöt Valgerður Árnadóttir,Stefán Yngvi Pétursson,Rósa Líf Darradóttir,Anahita S. Babaei Skoðun „Stóra fallega frumvarpið“ hans Trump Gunnar Alexander Ólafsson Skoðun Að saga rótina undan trénu og halda að stofninn vaxi hraðar: hugleiðing um tillögur Viðskiptráðs. Birgir Orri Ásgrímsson Skoðun Verndun vatns og stjórn vatnamála Ólafur Arnar Jónsson,Sigurður Guðjónsson Skoðun Sjallar og lyklaborðið Sigfús Ómar Höskuldsson Skoðun
„Heyrðu, hvernig gekk með þessa píu í gær?“ „Æi, ég tók eitthvað í hana og reyndi að kyssa hana. Þá bara brjálaðist hún og sagðist ætla að hringja á lögguna ef ég hætti ekki!“ „Oh, alltaf þarf löggan að eyðileggja góðu stundirnar.“ Þetta samtal heyrði ég á milli tveggja ungra pilta á Laugaveginum á sunnudagsmorgni fyrir stuttu. Þeir voru nýskriðnir af djamminu, enn þá hífaðir og ég er nokkuð viss um að þeir héldu sér gangandi á vímugjöfum sem eru aðeins sterkari en áfengi. En þeir hittu naglann á höfuðið. Löggan eyðileggur stundum „góðu stundirnar“. Það er náttúrulega glatað. Því þegar við stelpur segjum: „Hættu þessu eða ég hringi á lögguna“ erum við í raun að segja: „Vá, þú ert fallegasti maður sem ég hef séð. Mig langar að njóta ásta með þér og eyða ævinni í örmum þínum en ég bara verð að segja nei svo þú gangir á eftir mér og viljir mig meira.“ Er það ekki stelpur? Það er svo glatað að segja bara já strax. Gefa samþykki. Það tekur allt fútt úr eltingarleiknum. Þetta hlýtur löggan að vita. Skrítið að hún sé samt enn í því að eyðileggja „góðu stundirnar“. Er enginn búinn að segja þeim mönnum og konum sem halda uppi lögum og reglu í þessu landi hvað við konur meinum í alvöru þegar við segjum „nei“, „farðu af mér“, „hættu“, „slepptu mér“, „þetta er vont“? Jæja, þá. Þá geri ég það hér með. Og tala fyrir hönd allra kynsystra minna því þegar kemur að „góðu stundunum“ erum við allar eins. Við stelpur viljum láta áreita okkur. Við viljum að karlmenn þröngvi sér upp á okkur. Við viljum ekki að þeir hætti þegar við segjum nei. Og við viljum alls ekki að einhver skerist í leikinn þegar þeir sjá að við getum ekki varið okkur fyrir ágengum karlmönnum sem vilja komast í buxurnar okkar. Ok? #kaldhæðni
Fimm af tíu veitingastöðum hættu með hvalkjöt Valgerður Árnadóttir,Stefán Yngvi Pétursson,Rósa Líf Darradóttir,Anahita S. Babaei Skoðun
Að saga rótina undan trénu og halda að stofninn vaxi hraðar: hugleiðing um tillögur Viðskiptráðs. Birgir Orri Ásgrímsson Skoðun
Fimm af tíu veitingastöðum hættu með hvalkjöt Valgerður Árnadóttir,Stefán Yngvi Pétursson,Rósa Líf Darradóttir,Anahita S. Babaei Skoðun
Að saga rótina undan trénu og halda að stofninn vaxi hraðar: hugleiðing um tillögur Viðskiptráðs. Birgir Orri Ásgrímsson Skoðun