Veiði í Þingvallavatni hefst tíu dögum fyrr

Silungsveiði fyrir landi þjóðgarðsins á Þingvöllum hefst að þessu sinni 20. apríl, tíu dögum fyrr en áður hefur tíðkast. Þingvallanefnd samþykkti tillögu þessa efnis frá Ólafi Erni Haraldssyni þjóðgarðsverði.

„Frá 20. apríl til 31. maí er einungis leyft að veiða með flugu og öllum urriða skal sleppa á þessu tímabili,“ segir nánar um hinar breyttu veiðireglur í fundargerð Þingvallanefndar.

Þá kemur jafnframt fram að tillagan sé lögð fram eftir náið samráð við veiðifélög og einstaka veiðimenn og að henni sé ætlað að bæta veiðimenningu við Þingvallavatn og styrkja urriðastofninn.