Alhliða lausnir í upplýsingatækni

Opex hefur nú verið í tíu ár í upplýsingatæknibransanum. Fyrirtækið var stofnað í byrjun árs 2004 og hefur boðið upp á vefhýsingar, vefsmíði og sérhæfðar veflausnir frá þeim tíma. Síðustu fimm árin hefur fyrirtækið auk þess farið í kerfislausnir, nettengingar og símalausnir fyrir fyrirtæki.

Fjölbreytt verkefni

„Það fylgir því ótrúlegur fjölbreytileiki að vinna í tölvum allan daginn, eins mikil þversögn og það er,“ segir Halldór Áskell Stefánsson, sölu- og markaðsstjóri Opex. „Verkefni sem við vinnum fyrir viðskiptavini eru eins mismunandi og þau eru mörg. Sumir leita að einföldum lausnum fyrir samfélagsmiðla, samanber Facebook-leiki. Á meðan leita aðrir eftir utanumhaldi, hönnun, forritun, stýringu og stefnumótun fyrir vef fyrirtækisins og markaðssetningu á netinu í heild. Sem dæmi um fjölbreytileika verkefna síðasta árs þá kláruðum við stoðkerfi við söludeild fyrir tilboðsgerð, reikningagerðartól sem gefur út reikninga og bókar sjálfkrafa, greiðslu- og kortalausnir, fjölda fyrirtækjavefja, viðmót á vefauglýsingar og svona mætti lengi telja. Allt frá hugmynd að hönnun og loks forritun, útfærslu og virkni.“

Aukin vitundarvakning í öryggi

Það er að mörgu að huga þegar kemur að veflausnum, hýsingum og kerfisrekstri. „Íslendingar, sem og heimurinn allur, eru að átta sig á því magni af upplýsingum sem eru aðgengilegar á netinu og mikilvægi þess að öryggi og vinnureglur séu til fyrirmyndar. Öruggir hýsingarsalir, reglubundin afritun gagna og eftirlit kerfa er nauðsynlegur partur í daglegum rekstri.“ segir Halldór.



Mikið meira en bara veflausnir

Opex leggur upp úr því að vera með alhliða lausnir í upplýsingatækni. „Á meðan við erum með teymi af forriturum sem vinna sérstaklega að veflausnum, þá er stór partur fyrirtækisins í kerfislausnum. Við finnum fyrir aukinni ánægju viðskiptavina með það að geta leitað á einn og sama staðinn þegar kemur að upplýsingatækni. Hvort sem það eru fyrirtækjatengingar, skýjalausnir, sérforritun eða önnur sérfræðiráðgjöf, í þessu liggur raunverulegur styrkur Opex.“



Nánari upplýsingar um Opex má finna hér.