Búinn að bíða lengi eftir þessum degi Gunnþóra Gunnarsdóttir skrifar 16. janúar 2014 16:00 Þau spila með Sinfóníunni í kvöld undir stjórn Bernharðs Wilkinsonar; Sölvi, Baldvin, Rannveig og Björg. Fréttablaðið/GVA Einleikarar kvöldsins með Sinfóníunni eiga það sameiginlegt að vera í tónlistarnámi og hafa verið valdir gegnum einleikarakeppni sem Listaháskólinn og Sinfóníuhljómsveit Íslands stóðu fyrir. Þetta eru Baldvin I. Tryggvason sem spilar á klarinettu, Björg Brjánsdóttir á flautu, Rannveig Marta Sarc á fiðlu og Sölvi Kolbeinsson á saxófón. „Ég er búinn að bíða lengi eftir þessum degi,“ segir Sölvi sem þó er bara 17 ára. Hann er nemandi bæði í Tónlistarskólanum í Reykjavík og MH. Í kvöld ætlar hann að spila konsert fyrir alt-saxófón og strengjahljómsveit eftir Alexander Glazunov, stykki sem hann spilaði fyrst fyrir nokkrum misserum og æfði upp aftur fyrir einleikarakeppnina. Spurður hvort hann sé í músík líka í MH svarar hann: „Ég fæ metið þar það sem ég geri í Tónlistarskólanum og svo spila ég í húsbandinu.“ „Þetta verður örugglega góð reynsla og skemmtileg,“ segir Marta sem tekst á við fiðlukonsert eftir J. Sibelius í kvöld. Hún nemur líka við Tónlistarskólann í Reykjavík og ætlar að útskrifast í vor, bæði þaðan og frá MH. Svo hyggst hún drífa sig til Bandaríkjanna í frekara tónlistarnám og býst við að fara þangað í prufuspil í vor. Eins og Sölvi hefur Marta komið fram á jólatónleikum Sinfóníunnar. „En þetta er alvöru verk og mun meira krefjandi,“ segir hún. Baldvin segir kvöldið leggjast vel í sig. „Þetta verður bara fjör,“ segir hann. Baldvin er á þriðja og síðasta ári í Listaháskólanum og útskrifast í maí, eftir það stefnir hann út fyrir landsteinana til náms. Skyldi hann vera vanur að spila með stórri hljómsveit? „Ekki einleik, nei, það hef ég aldrei gert áður,“ svarar Baldvin sem ætlar að spila klarínettukonsert eftir Aaron Copland í kvöld. „Ég er búinn að spila þetta stykki í um það bil ár og ætti að kunna það ágætlega,“ segir hann. Björg ætlar að leika konsert fyrir flautu og hljómsveit eftir Carl Nielsen. Hún kemur frá útlöndum gagngert til að spila í kvöld því hún er nemandi á öðru ári við Tónlistarháskóla Noregs í Ósló. Samhliða því lærir hún líkamstækni fyrir tónlistarmenn sem hún er fullviss um að eigi eftir að nýtast henni vel. „Þetta er kennaranám sem ég er hálfnuð með og er að fara í æfingakennslu núna í janúar.“ Björg spilaði með sinfóníunni tíu ára á jólatónleikum. „Það var í Háskólabíói en það er allt annað að vera í Hörpunni,“ segir hún og kveðst vona innilega að einhverjir mæti í kvöld, hvernig sem handboltinn fari. Menning Mest lesið Svaraði kallinu frá Ben Stiller Bíó og sjónvarp Mætti svo gott sem nakin á rauða dregilinn Lífið Biðu í tvo tíma eftir „McDonalds“ borgurum sem strönduðu í tollinum Lífið Víkingur Heiðar vann til Grammy-verðlauna Lífið Stjörnulífið: Fáklæddar, í hátísku og Palli rúmliggjandi Lífið „Þetta er engin þrautaganga fyrir mig“ Lífið Eitt frægasta hús landsins enn á sölu Lífið Eignuðust stúlku með hjálp staðgöngumóður Lífið Ljósbrot hlaut aðalverðlaun í Gautaborg Bíó og sjónvarp NIVEA kynnir fyrstu hreinsivöruna með 5% serum Lífið samstarf Fleiri fréttir Hryllingsleikrit um árið án sumars en þó ekki 2024 Margar milljónir í menninguna Halli með nýtt hlaðvarp: Getur loksins verið í augnhæð með fólki Skiluðu tillögum um uppbyggingu Jónasarstofu í Öxnadal Fullt út úr dyrum á sjóðheitri ljósmyndasýningu Ætla að halda Lífskviðuna þrátt fyrir andlát Ásgeirs í nótt Katrín dustar rykið af visku sinni Anna Rós hlaut Ljóðstaf Jóns úr Vör Létu sig ekki vanta á frumsýningu Ungfrú Íslands Bókamarkaðurinn færir sig um set Troðfullt hús og standandi lófaklapp „Persónan Elmar er alls ekki Helgi“ Skrumskæld mynd af Helga Skúla í Vigdísarþáttum Ætlar aldrei aftur til Tenerife: „Þetta er hræðilegur staður“ Metsölulisti bókaútgefenda sé „ómarktækur“ Þetta voru mest seldu bækur ársins 2024 Af hverju er þessi kona á öllum auglýsingaskiltum? Sjá meira
Einleikarar kvöldsins með Sinfóníunni eiga það sameiginlegt að vera í tónlistarnámi og hafa verið valdir gegnum einleikarakeppni sem Listaháskólinn og Sinfóníuhljómsveit Íslands stóðu fyrir. Þetta eru Baldvin I. Tryggvason sem spilar á klarinettu, Björg Brjánsdóttir á flautu, Rannveig Marta Sarc á fiðlu og Sölvi Kolbeinsson á saxófón. „Ég er búinn að bíða lengi eftir þessum degi,“ segir Sölvi sem þó er bara 17 ára. Hann er nemandi bæði í Tónlistarskólanum í Reykjavík og MH. Í kvöld ætlar hann að spila konsert fyrir alt-saxófón og strengjahljómsveit eftir Alexander Glazunov, stykki sem hann spilaði fyrst fyrir nokkrum misserum og æfði upp aftur fyrir einleikarakeppnina. Spurður hvort hann sé í músík líka í MH svarar hann: „Ég fæ metið þar það sem ég geri í Tónlistarskólanum og svo spila ég í húsbandinu.“ „Þetta verður örugglega góð reynsla og skemmtileg,“ segir Marta sem tekst á við fiðlukonsert eftir J. Sibelius í kvöld. Hún nemur líka við Tónlistarskólann í Reykjavík og ætlar að útskrifast í vor, bæði þaðan og frá MH. Svo hyggst hún drífa sig til Bandaríkjanna í frekara tónlistarnám og býst við að fara þangað í prufuspil í vor. Eins og Sölvi hefur Marta komið fram á jólatónleikum Sinfóníunnar. „En þetta er alvöru verk og mun meira krefjandi,“ segir hún. Baldvin segir kvöldið leggjast vel í sig. „Þetta verður bara fjör,“ segir hann. Baldvin er á þriðja og síðasta ári í Listaháskólanum og útskrifast í maí, eftir það stefnir hann út fyrir landsteinana til náms. Skyldi hann vera vanur að spila með stórri hljómsveit? „Ekki einleik, nei, það hef ég aldrei gert áður,“ svarar Baldvin sem ætlar að spila klarínettukonsert eftir Aaron Copland í kvöld. „Ég er búinn að spila þetta stykki í um það bil ár og ætti að kunna það ágætlega,“ segir hann. Björg ætlar að leika konsert fyrir flautu og hljómsveit eftir Carl Nielsen. Hún kemur frá útlöndum gagngert til að spila í kvöld því hún er nemandi á öðru ári við Tónlistarháskóla Noregs í Ósló. Samhliða því lærir hún líkamstækni fyrir tónlistarmenn sem hún er fullviss um að eigi eftir að nýtast henni vel. „Þetta er kennaranám sem ég er hálfnuð með og er að fara í æfingakennslu núna í janúar.“ Björg spilaði með sinfóníunni tíu ára á jólatónleikum. „Það var í Háskólabíói en það er allt annað að vera í Hörpunni,“ segir hún og kveðst vona innilega að einhverjir mæti í kvöld, hvernig sem handboltinn fari.
Menning Mest lesið Svaraði kallinu frá Ben Stiller Bíó og sjónvarp Mætti svo gott sem nakin á rauða dregilinn Lífið Biðu í tvo tíma eftir „McDonalds“ borgurum sem strönduðu í tollinum Lífið Víkingur Heiðar vann til Grammy-verðlauna Lífið Stjörnulífið: Fáklæddar, í hátísku og Palli rúmliggjandi Lífið „Þetta er engin þrautaganga fyrir mig“ Lífið Eitt frægasta hús landsins enn á sölu Lífið Eignuðust stúlku með hjálp staðgöngumóður Lífið Ljósbrot hlaut aðalverðlaun í Gautaborg Bíó og sjónvarp NIVEA kynnir fyrstu hreinsivöruna með 5% serum Lífið samstarf Fleiri fréttir Hryllingsleikrit um árið án sumars en þó ekki 2024 Margar milljónir í menninguna Halli með nýtt hlaðvarp: Getur loksins verið í augnhæð með fólki Skiluðu tillögum um uppbyggingu Jónasarstofu í Öxnadal Fullt út úr dyrum á sjóðheitri ljósmyndasýningu Ætla að halda Lífskviðuna þrátt fyrir andlát Ásgeirs í nótt Katrín dustar rykið af visku sinni Anna Rós hlaut Ljóðstaf Jóns úr Vör Létu sig ekki vanta á frumsýningu Ungfrú Íslands Bókamarkaðurinn færir sig um set Troðfullt hús og standandi lófaklapp „Persónan Elmar er alls ekki Helgi“ Skrumskæld mynd af Helga Skúla í Vigdísarþáttum Ætlar aldrei aftur til Tenerife: „Þetta er hræðilegur staður“ Metsölulisti bókaútgefenda sé „ómarktækur“ Þetta voru mest seldu bækur ársins 2024 Af hverju er þessi kona á öllum auglýsingaskiltum? Sjá meira