Skapandi leikir og dillandi barnazumba

Það væsir ekki um káta krakka í barnagæslu Reebok Fitness í Holtagörðum. Þar er tekið á móti börnum með hlýju og natni og í boði skapandi leikaðstaða ásamt fjörugum barnatímum í zumba og jóga á laugardögum. Virka morgna er komið sérstaklega til móts við ungbörn.

„Kátir krakkar vilja hreyfa sig um leið og foreldrarnir og því bjóðum við upp á hressandi og skemmtilega barna-zumba- og barnajógatíma á laugardögum fyrir börn sem eru hjá okkur í barnagæslu,“ segir Guðríður Erla Torfadóttir, framkvæmdastjóri Reebok Fitness, sem á dögunum opnaði glæsilega leikaðstöðu með barnagæslu.

„Við ákváðum að verða við margföldum óskum viðskiptavina okkar um barnagæslu og okkar er ánægjan að passa börnin á meðan foreldrarnir rækta líkama sinn og heilsu,“ segir Guðríður um barnagæsluna sem er opin þrjá virka morgna í viku, síðdegis virka daga og á laugardögum.

„Morgungæslan kemur sérstaklega til móts við nýbakaðar mæður í fæðingaroflofi eða heimavinnandi húsmæður sem geta farið í Butt Lift eða Hot Balance-tíma á meðan ungbörn þeirra eru í góðum höndum barnfóstra,“ segir Guðríður.

Barnapössun Reebok Fitness kostar aðeins 1.500 krónur á mánuði. Eitt verð greiðist fyrir alla fjölskyldumeðlimi og gildir einu hvort barnið sé eitt fleiri.

„Foreldrar og forráðamenn barna bóka þau fyrirfram í barnagæsluna á netinu. Með því fáum við yfirsýn yfir hversu mörg börn koma hverju sinni og foreldrar koma koma barni sínu örugglega í barnagæslu,“ útskýrir Guðríður í hlýlegri barnaaðstöðu Reebok Fitness.

„Við leggjum áherslu á skapandi leiki og samveru þar sem börnin geta spriklað um eða dundað sér á dýnum, krítað á spegla og töflur, kubbað, púslað eða leikið sér með spennandi leikföng og að sjálfsögðu eru yndislegar barnfóstrur börnunum til halds og trausts.“



Aldurstakmark í barnagæslu Reebok Fitness er þriggja mánaða á morgnana og tveggja ára síðdegis.

„Börn sem komið hafa til okkar í gæslu eru himinsæl með aðstöðuna og það er spennandi að gefa þeim kost á að dilla sér í barna-zumba og fara í barnajóga hjá leikskólakennaranum Unnari Geir Unnarssyni. Barnatímar sem þessir eru nýjung á íslenskum líkamsræktarstöðvum og falla vel í kramið. Foreldrar bóka börn sín í tímana á netinu, eins og tíðkast með alla hópatíma í Reebok Fitness og við erum með fleiri skemmtileg útspil í farvatninu fyrir hressa krakka í barnagæslunni.“



Barnagæsla Reebok Fitness er opin sem hér segir: mánudaga, miðvikudaga og föstudaga frá 8.45-13.15 (aldurstakmark 3ja mánaða) og virka daga frá 16.30-19.30 (aldurstakmark 2 ára). Á laugardögum er opið frá klukkan 9-13 aldurstakmark (aldurstakmark 2 ára).

Sjá nánar á www.reebokfitness.is