Írskt smjör á harðfiskinn Atli Fannar Bjarkason skrifar 9. janúar 2014 06:00 Írskt smjör er flutt til landsins vegna skorts á því íslenska. Tollaverndaður iðnaður, sem réttlætir fordæmalausa samkeppnisstöðu sína með því að innræta í huga fólks að varan sé einstök á heimsvísu, nýtir útlenskt smjör við framleiðslu íslenskra osta. Kaldhæðni verður ekki betur skilgreind.Guðni Ágústsson segir þetta í sjálfu sér allt í lagi en leggur áherslu á að aðalatriðið sé að halda rjómanum og smjörinu hreinu. „Menn myndu ekkert kaupa þetta smjör við hliðina á íslensku smjöri,“ segir Guðni. „Við elskum okkar smjör, það er gult og mjúkt og meistarakokkarnir segja að þetta sé besta smjör heimsins.“ Í þætti um 30 ára afmælishátíð FTT á dögunum sagði Curver Thoroddsen að drifkrafturinn á bak við uppgang Of Monsters and Men erlendis væri velvild í garð íslenskrar tónlistar. Hann sagði líka eitthvað á þá leið að íslensk tónlist væri einstök vegna þess að hún væri svo einstök. Nú væri einfaldast að spyrja af hverju allar hljómsveitirnar sem reyna að meika það erlendis nýti ekki bara velvildina í garð íslenskrar tónlistar? En ég sleppi því. Ég gæti líka spurt hvort tónlist Of Monsters and Men ásamt dugnaði og færni bandaríska umboðsmannsins Heather Kolker hafi eitthvað með árangurinn að gera? En ég sleppi því líka. Ég vil miklu frekar vita af hverju það þarf að Guðna Ágústssonar-væða það sem er vel gert á Íslandi. Enginn slær nefnilega í gegn vegna þjóðernis. Hæfileikar Bjarkar vega þyngra en vegabréfið hennar og Kylie Minogue sló ekki í gegn vegna þess að hún er áströlsk — það var að sjálfsögðu fagurmótaður afturendinn sem skaut henni á toppinn. Þótt Guðni og Curver vilji vel, þá gerir þetta bull lítið úr raunverulegum árangri, sem kemur ekki fljúgandi á vængjum velvildar. Íslendingar hefðu gott af smá írsku smjöri á harðfiskinn og hinn almenni útlenski hlustandi, sem heyrir lag með Of Monsters and Men flutt í X-Factor, heldur að Iceland sé verslun með frosin matvæli. Viltu birta grein á Vísi? Sendu okkur póst. Senda grein Atli Fannar Bjarkason Mest lesið Læknafélagið virðir ekki afstöðu félagsmanna sinna Bjarni Jónsson Skoðun Hverju lofar þú? Kolbrún Hrund Sigurgeirsdóttir Skoðun Það er vá fyrir dyrum - Börnin okkar Svava Þ. Hjaltalín Skoðun Hverjir eiga Ísland? Jón Baldvin Hannibalsson Skoðun Göngum í takt Skoðun Fjölgun hjartasjúkdóma og aukið álag á spítalana í boði Carnivore bylgjunnar? Guðrún Nanna Egilsdóttir,Dögg Guðmundsdóttir Skoðun Ísland á að verja með íslenskum lögum Arnar Þór Jónsson Skoðun Frá frammistöðuvæðingu til farsældar Helga Þórey Júlíudóttir Skoðun Hvert er eðli innflutningtolla? – Hvað er Trump eiginlega að gera? - Hverjir munu líða mest? Ole Anton Bieltvedt Skoðun Með hjúkkuna upp í rúm og lækninn í vasanum Björgmundur Örn Guðmundsson Skoðun
Írskt smjör er flutt til landsins vegna skorts á því íslenska. Tollaverndaður iðnaður, sem réttlætir fordæmalausa samkeppnisstöðu sína með því að innræta í huga fólks að varan sé einstök á heimsvísu, nýtir útlenskt smjör við framleiðslu íslenskra osta. Kaldhæðni verður ekki betur skilgreind.Guðni Ágústsson segir þetta í sjálfu sér allt í lagi en leggur áherslu á að aðalatriðið sé að halda rjómanum og smjörinu hreinu. „Menn myndu ekkert kaupa þetta smjör við hliðina á íslensku smjöri,“ segir Guðni. „Við elskum okkar smjör, það er gult og mjúkt og meistarakokkarnir segja að þetta sé besta smjör heimsins.“ Í þætti um 30 ára afmælishátíð FTT á dögunum sagði Curver Thoroddsen að drifkrafturinn á bak við uppgang Of Monsters and Men erlendis væri velvild í garð íslenskrar tónlistar. Hann sagði líka eitthvað á þá leið að íslensk tónlist væri einstök vegna þess að hún væri svo einstök. Nú væri einfaldast að spyrja af hverju allar hljómsveitirnar sem reyna að meika það erlendis nýti ekki bara velvildina í garð íslenskrar tónlistar? En ég sleppi því. Ég gæti líka spurt hvort tónlist Of Monsters and Men ásamt dugnaði og færni bandaríska umboðsmannsins Heather Kolker hafi eitthvað með árangurinn að gera? En ég sleppi því líka. Ég vil miklu frekar vita af hverju það þarf að Guðna Ágústssonar-væða það sem er vel gert á Íslandi. Enginn slær nefnilega í gegn vegna þjóðernis. Hæfileikar Bjarkar vega þyngra en vegabréfið hennar og Kylie Minogue sló ekki í gegn vegna þess að hún er áströlsk — það var að sjálfsögðu fagurmótaður afturendinn sem skaut henni á toppinn. Þótt Guðni og Curver vilji vel, þá gerir þetta bull lítið úr raunverulegum árangri, sem kemur ekki fljúgandi á vængjum velvildar. Íslendingar hefðu gott af smá írsku smjöri á harðfiskinn og hinn almenni útlenski hlustandi, sem heyrir lag með Of Monsters and Men flutt í X-Factor, heldur að Iceland sé verslun með frosin matvæli.
Fjölgun hjartasjúkdóma og aukið álag á spítalana í boði Carnivore bylgjunnar? Guðrún Nanna Egilsdóttir,Dögg Guðmundsdóttir Skoðun
Hvert er eðli innflutningtolla? – Hvað er Trump eiginlega að gera? - Hverjir munu líða mest? Ole Anton Bieltvedt Skoðun
Fjölgun hjartasjúkdóma og aukið álag á spítalana í boði Carnivore bylgjunnar? Guðrún Nanna Egilsdóttir,Dögg Guðmundsdóttir Skoðun
Hvert er eðli innflutningtolla? – Hvað er Trump eiginlega að gera? - Hverjir munu líða mest? Ole Anton Bieltvedt Skoðun