Jules Bianchi ók of hratt

Formúlu 1 ökumaðurinn Jules Bianchi varð fyrir alvarlegum höfuðmeiðslum þegar hann lenti á vinnuvél í rigningu í japanska kappakstrinum.

Hann er enn meðvitundarlaus en er ekki haldið sofandi lengur. Hann hefur verið fluttur heim til Frakklands en hann var á sjúkrahúsi í Japan fyrstu vikurnar eftir óhappið.

Rannsóknarnefnd var sett á laggirnar fljótlega eftir óhappið. Nefndin hefur nú skilað skýrslu sinni.

Í skýrslunni kemur meðal annars að „Bianchi hægði ekki nægilega á sér til að forðast það að missa stjórn á bíl sínum á sama stað á brautinni og Sutil fór út af“.

Einnig kemur fram að á þeim tíma sem það tók bílinn að renna út af brautinni notaði Bianchi bæði bremsu og inngjafarpedalana. Bíllinn lenti á 6500 kg. vinnuvélinni á 126 km/klst. 

„Hugsanlega var Bianchi að einbeita sér að því að ná stjórn á bíl sínum eftir að framdekkin læstust, til að forðast vinnuvélina,“ segir líka í skýrslunni.

Marussia liðið, sem Bianchi ók fyrir neitaði strax að hafa sagt ökumanninum að hraða ferðinni til að forðast fram úr akstur keppinautar. Marussia liðið hefur nú verið lýst gjaldþrota og stendur til að bjóða bú félagsins upp.