Býður áhorfendum að reykja með sér gras

Leikarinn Seth Rogen sagði frá því á Twitter-síðu sinni í gær að áhorfendum á sérstakri sýningu á mynd hans The Interview byðist að reykja með honum gras fyrir myndina.

„Við ætlum að sýna #TheInterviewMovie í Colorado þar sem ég fer í vímu með öllum fyrst og við megum reykja gras í kvikmyndahúsinu,“ stendur í einu tísti leikarans.

Viðburðurinn verður 8. desember næstkomandi og þeir sem hafa áhuga á þessu geta sent tölvupóst á RSVPTheInterviewDenver@gmail.com.

Colorado er fyrsta fylkið í Bandaríkjunum til að leyfa grasreykingar en Seth hefur talað mjög opinskátt um það á sínum ferli hve mikið hann hefur unun af fíkniefninu.

We are going to do a screening of #TheInterviewMovie in Colorado where I get baked with everyone first, and we can smoke weed in the theater

— Seth Rogen (@Sethrogen) November 26, 2014