Auðvelt hjá Spáni

Spánverjar áttu ekki í neinum vandræðum með Hvít-Rússa á heimavelli í kvöld. Sergio Busquets var meðal annars á skotskónum.

Isco skoraði fyrsta markið eftir átján mínútu og næsta mark kom mínútu síðar. Þar var að verki Sergio Busquets með sitt annað landsliðsmark í síðustu fjórum leikjum.

Pedro Rodriguez rak svo síðasta naglann í líkkistu gestanna frá Hvíta-Rússlandi á 55. mínútu. Lokatölur 3-0.

Spánn er í öðru sætinu með níu stig, en Slóvakía er á toppnum með tólf stig eftir sigur á Makedóníu í kvöld.

Hvíta-Rússland er einungis með eitt stig eftir leikina fjóra.