Messan: Sánchez er bara að spila eins og Suárez í fyrra

Sílemaðurinn Alexis Sánchez hefur spilað mjög vel á sínu fyrsta tímabili með Arsenal í ensku úrvalsdeildinni og Guðmundur Benediktsson og félagar í Messunni tóku kappann fyrir í gærkvöldi.

Alexis Sánchez hefur skorað tvö mörk í síðustu tveimur leikjum Arsenal og er alls kominn með 7 mörk og 2 stoðsendingar í 9 leikjum með Arsenal í ensku úrvalsdeildinni á leiktíðinni.

„Sánchez er bara að spila eins og Suárez í fyrra," sagði Hjörvar Hafliðason þegar Messan byrjaði að skoða frammistöðu Alexis Sánchez í 3-0 sigri á Burnley um helgina.

„Það er algjör Suárez-fnykur yfir Sánchez," bætti Hjörvar við og Ríkharður Daðason tók undir það. „Ég er algjörlega sammála því. Hann var langbesti leikmaður vallarins og út um allt. Hann sýndi okkur allt í þessum leik og er einn allra besti leikmaður deildarinnar í dag," sagði Ríkharður.

„En hefur Sánchez þessa "el lócó" hlið á sér eins og Suárez," spurði Hjörvar Ríkharð og það má svar Rikka sem og alla klippuna með því að smella hér fyrir ofan.

Umfjöllun Messunnar um Alexis Sánchez.